miércoles, 9 de julio de 2025
Neste sentido, apuntou que, previsiblemente, a semana que ven definiranse novos protocolos e medidas que permitan saír do letargo provocado pola pandemia.
O responsable de Sanidade convidou á poboación galega a acudir a súa cita de vacinación para continuar a mellorar os bos datos epidemiolóxicos que reflicte, arestora, a comunidade galega. Así, instou aos galegos e galegas a continuar a manter a prudencia amosada no que respecta ao cumprimento das medidas establecidas.
García Comesaña lanzou un chamamento á poboación que nestes intres está a ser citada para vacinarse, ao detectase un lixeiro descenso na adherencia á vacinación nos grupos de idade máis novos. Neste sentido, o conselleiro subliñou que as persoas con menor idade non son alleos a esta enfermidade, lembrando que as unidades de coidados intensivos galegas, atenden nestes momentos a persoas de 38, 25 e 22 anos.
Sobre o proceso de vacinación, García Comesaña detallou que a comunidade galegas xa leva administradas un total de 2.287.608 vacinas. Dun xeito desagregado, 950.955 galegos e galegas xa contan coa pauta completa de inmunización; mentres que 483.228 persoas xa contan coa primeira das doses da vacina.
Pola súa parte, o xerente do Sergas, José Flores, repasou a presión asistencial dos centros sanitarios galegos. Neste senso, explicou que, na actualidade, son 42 as unidades de hospitalización ocupadas por pacientes covid-19, e que 14 pacientes precisan de asistencia nas unidades de coidados intensivos.
José Flores destacou o traballo do persoal de enfermaría en todos os seus niveis asistencias, así como o do conxunto de profesionais que integran o Servizo Galego de Saúde. O xerente do Sergas remarcou que eles e elas son os responsables de que esteamos nesta boa situación.
No que atinxe aos datos epidemiolóxicos, a directora xeral de Saúde Pública, Carmen Durán, cualificou a situación de Galicia de estable con tendencia a baixa. Nesta liña, achegou diferentes datos que confirman a boa tendencia da pandemia na comunidade. Nomeadamente, a incidencia acumulada en Galicia a 7 días sitúase en 20 e, na súa evolución a 14 días, fica en 41. En ambos casos, os indicadores sitúan a comunidade galega na metade da media nacional.
En canto ao numero reprodutivo instantáneo, nestes intres é do 093% e, o rango de positividade das probas diagnósticas oscila entre o 17 e o 2%. A doutora Durán informou que entre os días 4 e 10 de xuño, Sanidade realizou máis de 39.000 probas diágnosticas, e puxo tamén en valor os 98.656 test de saliva que se levan realizados nas farmacias galegas, e cos que se puideron detectar 267 casos asintomáticos.
A responsable de Saúde Pública rematou a súa intervención resumindo o número de casos detectados en Galicia nas diferentes variantes do coronavirus. En concreto, desde o inicio da pandemia, a denominada cepa británica continúa a ser a predominante na comunidade cun 91% de circulación, e 721 casos secuenciados; da variante surafricana notificáronse 36 casos (23 deles secuenciados), 93 casos da variante brasileira, e 23 da variante da India. Por último, indicou que tamén se teñen detectado 3 casos da cepa nixeriana, 11 da neoiorquina e 6 da variante colombiana.
Soamente tres concellos en nivel medio
Durante a xuntaza que mantivo onte o comité clínico, e tras avaliar a situación epidemiolóxica do conxunto de concellos galegos, o grupo de expertos que asesora á Xunta de Galicia na xestión da pandemia, acordou establecer o nivel medio de restricións nos concellos de Camariñas, Malpica de Bergantiños e Soutomaior.
Deste xeito, desde o vindeiro sábado, 19 de xuño, un total de 310 municipios ficarán con medidas restritivas do nivel medio-baixo. Así, soamente o 0,67% da poboación galega deberá cumprir as medidas do nivel medio, mentres que, o 99,33% da poboación, deberán respectar as medidas do nivel máis básico de restricións.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado que xa leva participado en varias edicións consecutivas do festival.
