jueves, 17 de septiembre de 2026
O vicepresidente primeiro da Xunta, Alfonso Rueda, anunciou hoxe en Sarria durante unha reunión coa Mancomunidade de Concellos Galegos do Camiño Francés, que hoxe abren a metade de albergues da Rede pública con tódalas medidas de prevención ante a covid-19, dos que 5 deles se atopan nesta ruta. Trátase dos do Cebreiro, Casa Fonte de Lusío (Samos), Ferreiros (Paradela), o de Portomarín, e Mato Casanova (Palas de Rei).
Así, destacou que debido á maior afluencia de peregrinos facíase necesario incrementar os servizos de acollida que no caso da rede pública ata agora permaneceron pechados para non facer competencia aos albergues privados. O límite de ocupación nas zonas comúns será do 50%, pero nas habitacións redúcese aos 30%, salvo para grupos burbulla acreditados. As camas disporanse cunha distancia mínima de 1,5 metros entre si, aínda que se aconsellan os 2 metros sempre que sexa posible. No caso de contar con liteiras, evitarase o uso das contiguas e das superiores. Cada peregrino deberá levar o seu propio saco de durmir, e recoméndase permanecer pola noite coa máscara posta.
Alfonso Rueda sinalou que o Camiño está a rexurdir como demostran os datos con máis de 10.700 peregrinos contabilizados desde abril, a metade deles máis de 5.400- a través do Camiño Francés. Ademais, só na primeira metade deste mes chegaron a Compostela máis de 5.300 camiñantes, dos que 2.500 escolleron esta ruta.
Tamén agradeceu a implicación da Mancomunidade de Concellos Galegos do Camiño Francés na divulgación e conservación deste itinerario. Por iso, a Xunta vén colaborando con esta entidade e continuase a executar o convenio bianual 2020-2021, dotado con 1 millón de euros e destinado a actuacións de embelecemento para a promoción do Xacobeo 21-22.
Froito desta colaboración, varias propostas da programación do Xacobeo tamén teñen como escenario os concellos que atravesan o Camiño Francés. Por exemplo, Os Camiños das Músicas Galegas. La Duendeneta, para dar a coñecer a música en galego; ou Unha benvida aos peregrinos, para recibir con bandeirolas o próximo mes nos cascos históricos dos concellos que percorren.
O vicepresidente primeiro da Xunta sinalou que o Camiño Francés é a ruta máis transitada ao concentrar a metade dos peregrinos, polo que se está a converter no motor da reactivación do Camiño. Nesta liña, incidiu en que tódalas medidas postas en marcha para contar cun Camiño Seguro coa adaptación dos trazados ou a formación dos hospitaleiros e a activación de protocolos sanitarios por mor da pandemia.
Ademais, incidiu en que Galicia está preparada para recibir a turistas e peregrinos nun destino seguro e de calidade e ofrecerlles o turismo tranquilo e sen masificacións en espazos abertos que están a demandar. E cun plus de tranquilidade a través do seguro coronavirus que xa está activo e cubre os gastos sanitarios e de transporte ou aloxamento derivados dunha infección por covid-19 ou da prolongación da estancia por cuarentena.
Tivo lugar o acto de entrega dos Premios de Responsabilidade Social Empresarial de Galicia 2026, que puxeron en valor a importancia de promover unha cultura empresarial que integre a responsabilidade social no seu modelo de xestión e sitúe as persoas no centro da actividade. As entidades premiadas foron Galaica Consultaría Integral e Nasas Social Media, na categoría de pequena empresa; Torres y Sáez, na de mediana empresa; Citanias Obras y Servicios, na de grande empresa; e Altia, coa Mención á Conciliación.
A conselleira do Mar, Marta Villaverde, defenderá ante o Goberno central a posición de Galicia sobre o futuro da Política Pesqueira Común, baseada na necesidade de garantir financiamento suficiente para o sector, facilitar a renovación e modernización da frota e avanzar cara a un modelo de xestión que teña en conta tanto a conservación dos recursos como a viabilidade económica e social da actividade. Villaverde trasladará que Galicia afronta este debate desde unha posición singular pola dimensión e diversidade do seu complexo mar-industria, cunha extensa frota de baixura e pequena escala, unha importante presenza da altura e gran altura, unha industria transformadora e conserveira de referencia e unha acuicultura cun destacado peso na produción comunitaria.
