sábado, 28 de marzo de 2026
Na mesma liña pronunciouse o reitor Antonio López ao definir o Camiño como un cordón umbilical que marca a conexión con Europa. Un Camiño de dobre dirección, dixo, dende a que sae e chega o coñecemento. Estamos satisfeitos de ser bebedores do fenómeno da peregrinación, explicou o reitor facendo referencia ao rol da USC como espazo de acollida para a transversalidade deste primeiro Congreso.
O reitor quixo agradecer o bo tino e as ideas claras do presidente da Academia Xacobea, Xesús Palmou, ao lograr incorporar os mellores especialistas nacionais e internacionais neste foro celebrado co gallo do Ano Santo 2021 e que terá continuidade tamén no 2022 grazas á axuda da ciencia, dixo. Neste senso, Felipe VI quixo tamén poñer o foco no impacto da pandemia por mor da COVID-19, un tramo moi difícil que precisou de grandes esforzos sanitarios e económicos.
O rei recoñeceu na súa intervención o esforzo e a boa acollida do pobo galego para poder superar esta complicada situación. Afrontar un momento tan complexo tamén require dunha forza interior suplementaria que podemos atopar en tradicións que, malia nacer nun tempo e nun lugar, son hoxe universais. Así se demostra con este Congreso Mundial da Academia Xacobea, explicou o monarca, quen, unha vez finalizado o acto, dirixiuse á Biblioteca América para asinar no Libro de Honra da USC.
No acto inaugural, alén do xefe do Estado e do reitor, tomaron parte a ministra de Industria, Comercio e Turismo, Reyes Maroto; o presidente da Xunta de Galicia, Alberto Núñez Feijóo; e o presidente da Academia Xacobea, Xesús Palmou.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
