lunes, 10 de agosto de 2026
En concreto, diminúe en 25.776 persoas con respecto a maio de 2020, recuperando o ritmo de baixada anterior ao comezo da pandemia. Galicia, ademais, tal e como apuntou Lado, segue a un nivel de paro inferior ao de maio de 2009, é dicir, ao rexistrado hai 12 anos. O descenso reflectido é o maior de toda a serie histórica de datos, desde 1996, en termos relativos.
Ademais, as afiliacións crecen nun 3,5%, o que supón a maior subida desde 2007. Galicia volve a superar o millón de afiliacións (1.010.528) situándose a un nivel superior ao reflectido hai dez anos. A contratación tamén medra, tanto a indefinida (+95,14%) como a tempo completo (+95,47%). En Galicia, o aumento dos contratos en xeral é superior ao reflectido no Estado.
Evolución mensual
Na evolución mensual, Galicia acumula cinco meses seguidos de caída de paro, desde xaneiro ata maio. De feito, a redución en maio do -3,2% (-5.472 persoas) con respecto a abril supón unha cifra similar ás baixadas reflectidas nos anos anteriores á crise sanitaria; e é a terceira maior caída porcentual nun mes de maio desde 2008. En termos absolutos, a baixada é maior á reflectida en maio de 2020 e en maio de 2019. As afiliacións e as contratacións tamén se incrementan con respecto a abril deste ano.
O paro, ademais, baixa na evolución anual e mensual en todos os sectores de actividade, nas catro provincias, nas sete grandes cidades e nos principais colectivos prioritarios para o Goberno galego como é o caso dos menores de 30, maiores de 45 anos e mulleres.
Segundo afirmou a directora xeral, os datos evidencian que Galicia está creando emprego e que as políticas activas de emprego que a Xunta desenvolve están a dar os seus froitos aínda que apelou á prudencia.
Para seguir impulsando o emprego de calidade na Comunidade e melloralo, Lado explicou que a Xunta aposta a medio prazo pola formación dixital, flexible e adaptada e continuada ao longo de toda a vida laboral das persoas traballadoras. Lembrou, ademais, que a Consellería de Emprego e Igualdade está traballando no deseño de laboratorios de emprendemento en cada comarca e na modernización das oficinas de emprego. Antes do verán, Galicia contará cunha Axenda Galega de Capacidades, froito dun gran pacto cos axentes sociais, que permitirá cruzar as necesidades do mercado laboral coa formación, engadiu.
A directora xeral, ademais, esgrimiu que paralelamente a Xunta continúa activando axudas directas, áxiles e vencelladas aos empresarios e empresarias de Galicia. Ao respecto, avanzou que coa activación do terceiro Plan de rescate, Galicia terá posto a disposición do seu tecido empresarial 416 millóns de euros en seis meses.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
