martes, 8 de julio de 2025
En abril houbo un predominio de xornadas anticiclónicas nas que os valores eran elevados, principalmente durante as tardes e tamén xornadas tormentosas con chuvascos, pero sen frío. As temperaturas medias estiveron en xeral por riba dos valores agardados no cuarto mes do ano xa que tivemos poucos días de frío.
O valor medio das temperaturas máximas rexistradas o mes pasado para o conxunto de Galicia foi de 16,9 ºC. O valor máis alto rexistrouse no Miño ourensán, cunha temperatura que superou os 21 ºC.
En relación coas precipitacións, estas non estiveron moi afastadas dos valores que se poden agardar nun mes e abril, tanto en cantidade acumulada ao longo do mes como en número de días de chuvia. A precipitación media acumulada foi de 105 L/m2 e as cifras máis elevadas acadáronse na Serra do Suído; mentres que os valores máis baixos déronse principalmente nalgunhas localidades da comarca de Valdeorras, con rexistros próximos aos 40 L/m2
Borrasca Lola
A Comunidade galega non foi allea o paso da borrasca Lola. Tal e como se recolle no informe elaborado por MeteoGalicia, a partir da xornada do 22, en Galicia diminuíu a inestabilidade, pero de xeito moi transitorio, pois no Atlántico, ao redor das Azores, comezaba a formarse a borrasca.
Así, entre os días 23 e 26, a borrasca Lola quedou illada da circulación xeral, localizándose entre as Azores e a Península Ibérica. Dende esa posición achegaba aire cálido en superficie pero frío en altura, de xeito que as tormentas foron moi xeneralizadas neste período, particularmente os días 24 e 25.
Alfonso Rueda informou de que o Consello 'aprobou a orde para a posta en marcha do Bono Peixe' que ofrecerá 'ata 50 ' para mercar peixe e marisco frescos nos establecementos da comunidade adheridos. Unha medida coa que a Xunta busca 'incentivar o consumo' destes produtos galegos que son sinónimo 'de excelencia e calidade' por todo o mundo e 'facer unha chamada atención' sobre o descenso destes alimentos na dieta que se está a vivir 'a nivel nacional, europeo e mundial e do que Galicia non é allea'.
Galicia segue a ser un referente nacional en calidade ambiental e turística, con 137 bandeiras azuis e 54 sendeiros azuis recoñecidos en marzo. Sanxenxo mantén a súa posición á cabeza do conxunto estatal con 17 praias, 3 portos deportivos (o Real Club Náutico Sanxenxo, o Club Náutico Portonovo e o Porto Deportivo Juan Carlos I) e 1 centro azul (o Centro de Interpretación das Telleiras), ademais de ser o concello que conta co maior número de sendeiros azuis de toda España, cun total de 8 rutas. Galicia mantense entre as tres Comunidades con máis distintivos azuis (tras a Comunidade Valenciana e Andalucía) con 137 galardóns que inclúen praias, portos e centros azuis, ademais de 54 sendeiros azuis recoñecidos en marzo. De feito, concentra unha de cada seis bandeiras azuis concedidas este ano aos areais españois.
