sábado, 7 de noviembre de 2026
Así, e grazas á colaboración emprendida coa Academia Galega do Audiovisual (AGA), o público terá ocasión de ver, o 19 de maio, o filme máis galardoado nos Premios Mestre Mateo, Ons, de Alfonso Zarauza, merecente de nove recoñecementos, entre eles o de mellor película. O día 20, exhibirase de novo Nación, de Margarita Ledo Andión, premiado como mellor documental e que foi preestreado na Filmoteca de Galicia en marzo. O sábado 21 será a quenda de Xoves de Comadres, de Noemí Chantada, e de Carne, de Camila Kater, gañadoras como mellor curtametraxe de imaxe real e de animación, respectivamente. Nesta mesma xornada poderá verse a galardoada como mellor webserie, Xan, de Lucía Estévez e Miguel Canalejo.
Oito filmes restaurados de Rohmer
Pola súa banda, o ciclo Esenciais: Eric Rohmer componse de oito títulos do cineasta e crítico francés nado en 1920 e finado en 2010. Trátase de filmes restaurados con motivo do centenario do máis vello dos membros da Nouvelle Vague e editor da publicación Cahiers du Cinema. Ao longo de maio poderán verse Mi noche con Maud, nominada a dous Oscar e singular amalgama de debate católico e verbalización da complexidade das relacións sexuais, os días 5 e 6, e La rodilla de Clara, símbolo dun cine que suma sensibilidade, capacidade emotiva, sutileza e ironía, o día 12. Ambas películas están integradas na primeira saga de Rohmer.
Tamén forman parte da programación do mes o vodevil amoroso Pauline en la playa, premiada en Berlín, prevista para o día 19, e El rayo verde, León de Ouro en Venecia a un relato de poesía e naturalidade onde o autor renova mecanismos, que es exhibirá os días 25 e 26.
Todo o rodado en Super-8 por J.C. Rousseau
O ciclo Jean-Claude Rousseau: A luz reflectida a través das cousas representa a primeira mostra integral das películas en Super-8 do cineasta francés. Trátase de cinco filmes nos que asimilou con radicalidade as propiedades do formato para imprimir unha sensualidade ascética á filmación, a sonorización e a ensamblaxe dos seus cartuchos Kodachrome.
O día 27 será a proxección de Venise nexiste pas, Keep in touch, Jeune femme à sa fenêtre lisant une lettre e Les antiquités de Rome, e, o 28, de La Vallée Close. As dúas sesións completaranse cunha presentación e coloquio nos que participará o propio autor, Rousseau, e os comisarios deste ciclo itinerante, Carlos Saldaña e Francisco Algarín.
Ciclos en continuidade
Ademais, en maio continúan as proxeccións enmarcadas nos apartados Fóra de serie e Desencadres. Dentro do primeiro, o martes 4 exhibirase Vídeo Blues, de Emma Tusell, seguido dun coloquio virtual coa directora e, o venres 7, Ven y mira, de Elem Klimov. Completan a programación Josep, de Aurel, o día 11, e Lux AEterna, de Gaspar Noé, o 18.
Desencadres inclúe proxeccións de cine experimental arxentino, os días 13 e 14, e o filme Dog star man, de Stan Brakhage, o 15. Na Filmoteca Júnior poderá verse o día 8 ¡Lumière! Comienza la aventura, de Thierry Fremaux.
Finalmente, o 29 de maio terá lugar a primeira das sesións no marco da (S8) XII Mostra Internacional de Cinema Periférico.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
