jueves, 29 de octubre de 2026
Durante a súa intervención, tamén anunciou que o Consello da Xunta aprobará, na xornada de mañá, a creación da Dirección Xeral de Planificación e Reforma Sanitaria, un novo departamento que traballará na planificación futura da Sanidade, e dun xeito especial, sobre o ámbito asistencial da Atención Primaria.
O responsable da carteira sanitaria da Xunta puxo en valor o sistema sanitario integrado co que conta a comunidade galega, salientando que, cada vez son máis as comunidades autónomas que avanzan cara un modelo de xestión semellante ao de Galicia. Neste sentido, remarcou a posta en marcha do Plan galego de Atención Primaria 2019-2021, unha folla de ruta que responde á necesidade de modificar as formas de traballo e de organización, así como avanzar na mellora e optimización dos recursos.
Sobre o Plan, García Comesaña remarcou que das 200 accións prioritarias que incorporaba o documento, xa se remataron o 96% das accións fixadas a curto prazo, e o 88% das proxectadas a medio prazo, xa están iniciadas.
Co obxectivo de fortalecer a Atención Primaria, o conselleiro lembrou que este Plan foi dotado cun investimento de 8,6 millóns de euros para mellorar o equipamento dos centros de saúde e, no que atinxe aos recursos humanos, o departamento sanitario do Executivo galego acadou a cobertura do 100% das 45 prazas creadas no 2019; o 80% das 102 prazas creadas no 2020, ademais de avanzar na próxima cobertura das 161 novas prazas fixadas para este ano.
Entre as iniciativas deseñadas para desenvolver a Atención Primaria en Galicia, García Comesaña tamén destacou o documento Por unha Primaria vertebradora do Sistema de Saúde, no que se avoga por dotar dunha maior autonomía aos centros, ao tempo que se aposta por innovar e xestionar os recursos humanos a nivel local. Ademais, explicou que o Servizo Galego de Saúde está a analizar os futuros Plans de Saúde Locais, nos que se potenciarán as figuras dos xefes e coordinadores de servizo, e nos que cadanseu proxecto deberá adaptarse, dun xeito específico, ás necesidade do seu territorio.
Por último, García Comesaña, pechou a súa intervención expoñendo que a Consellería de Sanidade tamén está a traballar en mellorar a atención non presencial, enumerando, entre as ferramentas empregadas para conseguilo: a implantación das videoconsultas, a posta en marcha da nova aplicación Sergas Móbil ou o novo sistema informático CRM que permitirá xestionar dun xeito máis áxil, as interaccións cos pacientes.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
