viernes, 17 de abril de 2026
Destacou, así mesmo, a chegada de novas vacinas, e dixo que da nova vacina existente no mercado, a de Janssen, está previsto que hoxe cheguen un total de 8.350 doses, que serán destinadas aos pacientes que están en domicilio.
O conselleiro anunciou, tamén, novos cambios nos aforos dalgunhas instalacións, consecuencia da nova situación epidemiolóxica, que permite unha apertura gradual e pausada. Así, os mercados de menos de 150 postos autorizados, poden colocar o 100%; entre 150 e 250 postos poden colocar o 75%, e máis de 250 postos, poden colocar o 50%. Os congresos tamén aumentan os aforos, que pasan no interior a 500 (antes 300); mantendo 1.000 no exterior, pero coa posibilidade de aumentar con informe de saúde pública. Nas feiras de atraccións, os aforos sitúanse no 50% sentados e 30% en movemento.
Taxa de positividade estable
A directora xeral de Saúde Pública, Carmen Flores, tamén destacou a situación epidemolóxica estable, cun moi lixeiro ascenso nas tres últimas semanas. Sinalou que a incidencia acumulada a 7 días en Galicia é de 44,9 casos (107 media do Estado), e a 14 días é de 90,3 (230 media do Estado). Remarcou, así mesmo, que 135 concellos non declararon ningún caso en Galicia nos últimos 14 días, e 175 concellos nos últimos 7 días.
A taxa de positividade en Galicia sitúase estable, en 2,94%, por baixo, pois, do 5% que marca a Organización Mundial da Saúde.
Tamén destacou a directora xeral que entre os días 10 e 16 do presente mes, Galicia realizou 62.000 probas diagnósticas, o que a sitúan entre as comunidades que máis fai en todo o Estado.
O xerente do Sergas, José Flores Arias, falou de optimismo respecto do grao de ocupación nos centros sanitarios, remarcando que seguen os cribados nos lugares de maior incidencia da covid. A ocupación de camas por pacientes covid en unidades convencionais de hospitalización é de 2,17%, e a ocupación nas unidades de críticos sitúase no 7,5%.
Pola súa parte, o doutor Vázquez Lima, membro do comité clínico, destacou que Galicia está nun momento de calma, con algunhas zonas onde hai que extremar as medidas. Fixo, así mesmo, un chamamento a fuxir dos interiores cando sexa posible, e facer as actividades que se poidan ao aire libre. Ao igual que o conselleiro, o doutor Vázquez Lima chamou á cidadanía a que acuda a vacinarse cando sexa citado.
Restricións por concellos
O comité clínico que asesora á Xunta de Galicia na xestión da pandemia provocada pola covid-19, acordou, na súa reunión de onte, o establecemento do nivel máximo de restricións nos concellos do Grove, A Pobra do Caramiñal, Carballeda de Valdeorras, e Cualedro.
Así mesmo, o comité tamén determinou o nivel alto de restricións nos concellos de Marín, Meaño, Ribadumia, Vilanova de Arousa, Padrenda, Cortegada, O Barco, Rubiá, Lobeira, Muiños, Petín, Meira, Ribeira, e Cambre.
Ademais, as medidas do nivel medio rexerán nos concellos de Trabada, Barreiros, Lobios, Cartelle, Cambados, Catoira, Vilagarcía de Arousa, A Illa, Meis, Sanxenxo, Cangas, Gondomar, Ponteareas, Vigo, Boiro, Rianxo, Carral, Muxía, As Pontes de García Rodríguez, e Ortigueira.
No resto dos concellos galegos, estarán vixentes as restricións fixadas no nivel medio baixo.
Todas estas medidas entrarán en vigor ás 00,00 horas do vindeiro venres, 23 de abril.
Este órgano está formado por 12 expertos de recoñecido prestixio, tanto a nivel galego como internacional, nos ámbitos científico, tecnolóxico, empresarial e das políticas públicas. Na actualidade a Comunidade despunta en ámbitos como a biotecnoloxía, a intelixencia artificial ou a computación cuántica e acada numerosos fitos. O obxectivo deste consello asesor é apoiar e asesorar ao Executivo autonómico nas súas políticas públicas de I+D+i para seguir acadando éxitos e posicionando Galicia como un territorio de referencia nesta materia. As persoas que forman parte deste organismo, ademais do conselleiro, e a directora da Axencia Galega de Innovación, Carmen Cotelo, son cinco no eido da investigación, tres no das políticas públicas e catro no ámbito da innovación, empresa e emprendemento.
Galicia consolida a súa posición como a comunidade española que máis logrou reducir en 2024 as emisións netas de gases de efecto invernadoiro (GEI) con respecto a 1990, ano de referencia a nivel comunitario para as políticas en materia de clima. En concreto, a baixada rexistrada neste período foi do 68,5% fronte ao 12,8% no que se sitúa a media nacional. Os últimos datos oficiais dispoñibles volven situar a Galicia á cabeza da clasificación nacional en canto a redución de emisións netas. No período 1990-2024 Galicia logrou reducir en máis de dous terzos as súas emisións netas e tamén é a comunidade española que lidera a baixada de emisións GEI interanual, cun 9,8% menos que en 2023.
