martes, 14 de julio de 2026
Asemade, a gran espectacularidade paisaxística, descrita como un paisaxe de mar e pedra, defíneo como un espazo excepcional cun elevado valor faunístico e florístico, no que está confirmada a presenza de case 1.500 taxóns: 416 de flora, dos que un 61% (254) son algas, e 1.076 de fauna, dos que un 79% (851) son invertebrados.
Tamén sustenta poboacións de especies vexetais e/ou animais importantes para manter a diversidade biolóxica, destacando unha particular abundancia de aves acuáticas e unha relevante diversidade de peixe, mariscos e outros invertebrados acuáticos.
O Parque Nacional, formado polas illas Cíes, Ons, Cortegada e Sálvora, integra unha variada vexetación, coa presenza dun mínimo de 7 especies de flora vascular asociadas a humidais ameazados e 34 endemismos, algúns exclusivos.
Este espazo tamén destaca pola súa fauna, onde se constata a presenza de 52 especies (48 vertebrados e 4 invertebrados), salientando os grupos de peixes e de aves. Así, o humidal proposto pola Xunta alberga de xeito regular un 1% dos individuos dunha especie en dous casos: a gaivota patiamarela (Larus michahellis) e o cormorán moñudo (Phalacrocorax aristolelis).
O Parque, que ten unha superficie de 8.480 hectáreas -das cales un 86% se corresponden con superficie mariña-, é tamén unha Área protexida do Convenio para a protección do medio ambiente mariño do Atlántico Nordeste (Ospar) e espazo Rede Natura 2000.
Na actualidade, a Lista Ramsar inclúe máis de 2.000 humidais de todas as rexións do mundo e que suman unha superficie de máis de 200.000.000 hectáreas. A Lista Ramsar é unha inventario de prestixio, xa que integra as zonas húmidas máis importantes do mundo desde o punto de vista do seu interese ecolóxico e para a conservación da biodiversidade.
Axudas para a conservación do Parque Nacional
Por outra banda, o Diario Oficial de Galicia publica hoxe a Orde pola que se establecen as bases reguladoras das subvencións públicas, con cargo aos orzamentos xerais do Estado, para a área de influencia socioeconómica do Parque Nacional marítimo-terrestre das Illas Atlánticas de Galicia, por un importe de case 150.000 euros para o ano 2021.
Coa convocatoria destas axudas quere contribuírse ao desenvolvemento socioeconómico da poboación sita no ámbito de influencia do Parque, co fin de equilibrar os usos e actividades permitidos e o crecemento económico da zona de influencia socioeconómica, sen perder un ápice dos obxectivos de conservación.
Os beneficiarios destas subvencións son as entidades locais, as entidades empresariais e as persoas particulares e asociacións sen fin de lucro que se localicen nos catro concellos da área de influencia. O prazo de presentación das solicitudes será dun mes, a contar a partir de mañá.
As oito curtametraxes finalistas na última edición dos Premios Mestre Mateo volven percorrer Galicia como parte do Ciclo de Mestre Mateo Galicia Calidade en virtude da colaboración entre a Xunta de Galicia e a Academia Galega do Audiovisual para contribuír á difusión da produción galega neste formato. Deste xeito, as oito pezas de ficción e animación que chegaron á última fase dos galardóns visitarán este ano 26 concellos galegos combinadas en dúas sesións de catro curtas segundo se trate de obras en imaxe real ou de animación. A iniciativa, que pasou xa polos municipios de Cea e Vilalba, continuará este mes coas vindeiras proxeccións en Meira (15 de xullo) e Ribadavia (28 de xullo) como parte da campaña de verán da 'Para gustos, cultura'.
O presidente da Xunta, Alfonso Rueda, avanzou que Galicia será a Capital iberoamericana da gastronomía saudable entre este ano e 2027, o que servirá para potenciar a cociña galega como un dos piares da actividade turística, da proxección exterior e da identidade propia da comunidade autónoma. O titular do executivo autonómico asinou un convenio de colaboración neste sentido co presidente da Academia Iberoamericana de Gastronomía, Rafael Ansón. Durante o tempo que dure a capitalidade, organizaranse diversos tipos de actividades como campañas de difusión, elaboraranse materiais como recetarios ou revistas, así como tamén se celebrarán concursos e congresos.
