martes, 27 de octubre de 2026
Poderán presentar a súa solicitude tódalas persoas maiores de idade empadroadas nun concello da comunidade e que non resultaran beneficiarias da primeira edición. Deberán escoller entre tres importes da tarxeta prepago -250, 375 ou 500 euros- da que a Xunta financiará o 60% cunha achega máxima de 300 euros e o solicitante o 40% restante.
Unha vez enviada a solicitude a través da sede electrónica da Xunta (https://sede.xunta.gal), atenderanse por orde de entrada e se se cumpren os requisitos esixidos notificarase aos beneficiarios que realicen o ingreso da parte que lle corresponda do importe da tarxeta elixida para que a entidade bancaria colaboradora poida remitirlle ao seu domicilio a tarxeta coa contía total. O programa estará vixente ata o 15 de decembro deste ano, data tamén de caducidade das tarxetas para empregar en calquera dos servizos ou produtos ofertados dispoñibles na web https://turismo.gal/quedamosengalicia2.
Alfonso Rueda destacou que os datos do ano pasado avalan o éxito deste programa, con case 20.000 beneficiarios, practicamente o 100% dos usuarios previstos. Por iso, tendo en conta que nesta ocasión a convocatoria se abre a toda a cidadanía e que o as empresas poden continuar adheríndose ata finais de ano, confía en acadar un efecto multiplicador e chegar a moita máis xente.
Nesta liña, destacou que o bono tarxeta turística #QuedamosenGalicia é un exemplo do apoio da Xunta ao sector neste Xacobeo co obxectivo de recuperar a confianza dos viaxeiros e fomentar a mensaxe de Galicia como destino seguro mediante medidas como o seguro coronavirus ou con iniciativas coma esta encamiñadas a reactivar o turismo galego, no marco do plan de choque para reforzar o sector turístico.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
