martes, 27 de octubre de 2026
As empresas interesadas -aloxamentos turísticos (excepto as vivendas de uso turístico) e as axencias de viaxe inscritas no REAT- teñen que solicitar a súa participación a través da sede electrónica da Xunta.
Unha vez aceptado e notificado como establecemento adherido, cada un deles pode publicar as súas ofertas e paquetes turísticos a través de Turespazo na web de Turismo de Galicia. As ofertas tamén están sendo revisadas e serán feitas públicas unha vez que se verifique que compren cun enfoque de calidade e coas obrigas hixiénico-sanitarias de Galicia Destino Seguro.
Apertura do prazo para solicitar o bono
A medida que se sumen os establecementos, a oferta do programa irase actualizando neste espazo web de Turismo de Galicia, onde os usuarios poderán coñecer as diferentes propostas nas que empregar o novo bono turístico.
A previsión é que os particulares poidan solicitar o seu bono turístico a partir da vindeira semana a través da sede electrónica da Xunta, a partir do día seguinte da publicación da convocatoria no Diario Oficial de Galicia.
Aberta ao conxunto da poboación galega, cada persoa maior de idade empadroada en Galicia e que non se beneficiara do bono na edición anterior, poderá solicitar un dos tres tipos de bonos: de 250 euros; de 375 euros ou de 500 euros. En todos eles a Xunta asume o 60% do importe e o solicitante o outro 40%.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
