viernes, 17 de abril de 2026
Este instrumento constitúese como o marco de colaboración entre as comunidades autónomas e a Administración Xeral do Estado en materia de cartografía e información xeográfica.
O novo documento de adhesión foi asinado hai uns días pola Consellería de Medio Ambiente, Territorio e Vivenda, que ostenta as competencias en materia de información xerográfica a través do Instituto de Estudos do Territorio (IET), e polo Ministerio de Transportes, Mobilidade e Axenda Urbana, cuxo subsecretario é o presidente do Consello Superior Xeográfico.
Entre os principais obxectivos dos traballos de produción, mantemento e difusión de información xeográfica nos que colaboren ambas administracións cómpre subliñar o de garantir a homoxeneidade de toda esta información para asegurar así a súa coherencia, continuidade e interoperabilidade con independencia de que institución a elabore.
Tamén se busca favorecer a eficiencia no gasto público destinado á cartografía e aos sistemas de información xeográfica, evitando a dispersión e a duplicidade dos recursos públicos utilizados e promovendo a cooperación entre institucións, asegurar a dispoñibilidade pública e a actualización da información xeográfica e cartográfica, así como garantir a calidade da produción oficial deste tipo de material e a súa utilidade como servizo público, facilitando o seu acceso.
Proxectos con moitas aplicacións
Entre os programas e plans elaborados baixo o marco do Sistema Cartográfico Nacional figuran proxectos tan empregados e con múltiples aplicacións prácticas como o PNOA, para a elaboración de ortofotografías aéreas de todo o territorio; o SIOSE, que elabora desde 2005 a cartografía de coberturas e usos do solo; ou os traballos de Información Xeográfica de Referencia, que permiten a harmonización da información correspondente á rede hidrográfica, ás poboacións e ás redes de transportes.
Todo isto se trata dunha información fundamental para a xestión dos territorios e a toma de decisións por parte dos distintos departamentos da Xunta de Galicia.
Ademais, a través do Sistema Cartográfico Nacional coordínanse proxectos transversais como a Infraestrutura de Información Xeográfica, o Rexistro Cartográfico e o Equipamento Xeográfico de Referencia. A colaboración institucional entre o Estado e as comunidades autónomas permite afrontar estes grandes proxectos cunha metodoloxía común, un orzamento axustado a cada administración e unha política de difusión de datos consensuada.
Este órgano está formado por 12 expertos de recoñecido prestixio, tanto a nivel galego como internacional, nos ámbitos científico, tecnolóxico, empresarial e das políticas públicas. Na actualidade a Comunidade despunta en ámbitos como a biotecnoloxía, a intelixencia artificial ou a computación cuántica e acada numerosos fitos. O obxectivo deste consello asesor é apoiar e asesorar ao Executivo autonómico nas súas políticas públicas de I+D+i para seguir acadando éxitos e posicionando Galicia como un territorio de referencia nesta materia. As persoas que forman parte deste organismo, ademais do conselleiro, e a directora da Axencia Galega de Innovación, Carmen Cotelo, son cinco no eido da investigación, tres no das políticas públicas e catro no ámbito da innovación, empresa e emprendemento.
Galicia consolida a súa posición como a comunidade española que máis logrou reducir en 2024 as emisións netas de gases de efecto invernadoiro (GEI) con respecto a 1990, ano de referencia a nivel comunitario para as políticas en materia de clima. En concreto, a baixada rexistrada neste período foi do 68,5% fronte ao 12,8% no que se sitúa a media nacional. Os últimos datos oficiais dispoñibles volven situar a Galicia á cabeza da clasificación nacional en canto a redución de emisións netas. No período 1990-2024 Galicia logrou reducir en máis de dous terzos as súas emisións netas e tamén é a comunidade española que lidera a baixada de emisións GEI interanual, cun 9,8% menos que en 2023.
