sábado, 12 de julio de 2025
Durante a súa intervención, García Comesaña remarcou que nestes intres se está a iniciar unha fase transcendente de cara á futura evolución do coronavirus en Galicia, polo que apelou á prudencia, a responsabilidade e a cumprimento estrito da medidas hixiénico-sanitarias establecidas. Neste sentido, incidiu en que é preciso reducir, na medida do posible, todos aqueles desprazamentos que non sexan imprescindibles. Canto menos risco, máis saúde apostilou.
Sobre o proceso de vacinación, o conselleiro de Sanidade destacou que a prioridade número un en termos de vacinación para a Xunta seguen a ser as persoas maiores de 80 anos. Así, detallou que nestes intres 98.216 persoas pertencentes a este grupo de idade xa foron vacinadas e, delas, 36.185 xa recibiron a pauta completa.
O responsable do departamento sanitario galego tamén apuntou que das 96.590 persoas citadas que pertencen aos colectivos de profesionais esencias, 67.700 persoas xa foron vacinadas, unha cifra que representa ao redor do 70% do seu total. Ademais, salientou que o Sergas continuará a realizar cribados nos concellos que presenten unha maior incidencia acumulada nas vindeira datas, coa intención de detectar novos casos asintomáticos.
Pola súa banda, o xerente do Sergas, José Flores, repasou a presión asistencial dos centros sanitarios galegos. Neste senso, explicou que na actualidade son 198 as unidades de hospitalización ocupadas por pacientes covid-19 (un 17%% menos que hai unha semana), e que 39 pacientes precisan de asistencia nas unidades de coidados intensivos (un 35% menos que a cifra rexistrada hai sete días).
No que atinxe aos datos epidemiolóxicos, a directora xeral de Saúde Pública, Carmen Durán, especificou que a incidencia acumulada en Galicia a 14 días é de 73,2 casos por 100.000 habitantes, e de 33,8 na súa evolución a 7 días, ambas cifras moi por debaixo do que reflicte a media nacional.
Durán puxo en valor que por terceira semana consecutiva, o número reprodutivo segue a estar por debaixo de un, un dato positivo que se engade ao feito de que 184 concellos galegos non teñan rexistrado novos casos na última semana. Así, remarcou a grande capacidade que a comunidade galega posúe á hora de realizar probas diagnósticas, apuntando que entre os días 13 e 19 de marzo realizáronse máis de 1.900 probas por cada 100.000 habitantes en Galicia.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
