sábado, 28 de marzo de 2026
Deste xeito, destacou que, nos municipios con maior risco -cunha incidencia acumulada a 14 días por riba de 500 casos-, mantéñense as restricións ata agora vixentes, é dicir: a hostalaría seguirá pechada; non poderá haber reunións de non conviventes en ningún ámbito; e, salvo excepcións xustificadas, non se permitirá a mobilidade fóra destes concellos, que si esta permitida nos niveis restantes.
Cómpre salientar que, agora mesmo, só tres concellos se atopan neste nivel de máxima restrición: Vilardevós, Paradela e Maside.
No tocante ao segundo nivel -aqueles concellos cunha incidencia a 14 días entre 250 e 500-, Feijóo precisou que nel atópanse un total de seis municipios: Sobrado, Boborás, A Mezquita, Pontecesures, Neda e Arteixo, nos que se mantén o criterio de que a hostalería só pode abrir terrazas, co mesmo aforo do 50% de ocupación máxima, pero cun horario ampliado ata as 21 horas, fronte ao límite das 18 horas que había ata a actualidade.
Para os concellos do terceiro nivel -cunha incidencia a 14 días entre 150 e 250-, no que se atopan, neste momento 14 municipios -Boimorto, A Coruña, Culleredo, Mugardos, Ponteceso, Valdoviño, Bergondo, Laxe, Chantada, Guitiriz, Pantón, Sober, Soutomaior e Coles-, nos que reside o 12,4% da poboación: na hostalería mantense o aforo do 30% no interior e do 50 % nas terrazas; e o horario límite de peche tamén pasa das 18 h ás 21 h.
Finalmente, nos 290 dos concellos restantes, nos que a incidencia é inferior a 150 casos por 100.000 habitantes, nos últimos 14 días, e onde reside o 85,6% da poboación: ampliase o aforo da hostalería do 30 ao 50% no interior; nas terrazas sube o aforo do 50 ao 75%; e o horario límite de peche pasa das 18 ás 21 horas.
Así mesmo, Feijóo asegurou que, en consonancia coa revisión feita, outras actividades terán tamén unha actualización nos aforos, que en ningún caso superarán o 50%. Estoume a referir a instalacións deportivas, centros culturais ou lugares de culto, precisou.
Por outra banda, e seguindo as obrigas e recomendacións acordadas a nivel estatal no Consello Interterterritorial de Saúde, Feijóo salientou que Galicia continuará pechada perimetralmente, de tal xeito que só se permitirá entrar e saír da comunidade nas excepcións establecidas.
O toque de queda permanecerá nas 22 horas e as reunións estarán limitadas a seis persoas no exterior e a catro no interior, estando prohibidas as reunións de non conviventes nos domicilios.
O presidente da Xunta concluíu mandando unha mensaxe de prudencia e agradecendo, unha vez máis, o esforzo que están a facer todos os galegos. Temos que seguir actuando con sentidiño, dando pasos adiante na apertura de xeito gradual, prudente e comedido, dixo, coa previsión de, a finais de mes, analizar de novo a situación para, á vista da evolución da pandemia, seguir adoptando decisións.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
