jueves, 24 de septiembre de 2026
Sobre este punto, Feijóo recordou que a Administración autonómica ten presentado unha proposta que inclúe, por exemplo, a bonificación do 100% na viaxe de volta; un desconto adicional para os vehículos que completen a volta en 24 horas; rebaixas para familias numerosas e vehículos pesados, ou unha bonificación en horario nocturno.
Así mesmo, sinala o compromiso do Ministerio de aprobar o Real Decreto no primeiro semestre deste ano, para que no segundo semestre poida ser efectiva esa redución das peaxes na Autopista do Atlántico.
Ao longo da súa intervención, Feijóo abundou na importancia de que o que se faga, o fagamos xuntos, porque o obxectivo é que esta infraestrutura a xestione a Comunidade; e, por tanto, que o que se acorde tanto no tema das peaxes, como en relación ás obras de permeabilidade en Pontevedra, Coruña e Vigo, teñan unha visión conxunta, aseverou, insistindo en que para o Goberno galego a prioridade é rebaixar as peaxes e, despois, abordar a transferencia.
En relación ao Corredor Atlántico de Mercadorías, o presidente da Xunta valorou a decisión de nomear un comisionado, tal e como solicitou a Xunta.
Feijóo valorou especialmente o compromiso expresado polo Ministro de Transportes de financiar a conexión ferroviaria do porto exterior de Punta Langosteira. E, doutra banda, continuar a traballar conxuntamente na procura de solucións para a situación financeira do porto e para o futuro dos terreos portuarios.
O porto exterior necesita un ferrocarril, dixo, valorando o compromiso do Executivo co financiamento desta infraestrutura, clave para o futuro do porto e da cidade, ao tempo que recordou que esta actuación, cun custo de 140 millóns de euros, pode ser susceptible de obter financiamento de fondos europeos.
Sobre a Saída Sur de Vigo, destacou a importancia da vontade expresada polo Ministerio de impulsar a actuación, incluíndo a conexión ferroviaria do porto da cidade.
Por último, o responsable da Administración autonómica constatou que o Ministerio de Transportes mantén as datas anunciadas polo presidente Pedro Sánchez en relación coa posta en servizo do tren de alta velocidade a Galicia a finais deste ano. Non obstante, expuxo a necesidade de abordar tamén as conexións cara a Lugo e Ferrol, así como avanzar no eido das intermodais.
Próxima reunión en abril
Ademais da AP-9, o presidente da Xunta referiuse ao compromiso do Ministerio cos outros dous temas centrais abordados na xuntanza: o Corredor Atlántico e a chegada do AVE a Galicia, despois de anunciar que o resto dos asuntos relacionados co Ministerio referidos a autovías, vivenda, fondos Next Generation ou Xacobeo, formarán parte da orde do día da reunión que ambos manterá en Galicia na segunda semana do 5 de abril.
A Consellería de Educación vai dotar aos centros educativos de apoios específicos de acompañamento, formación e recursos materiais para desenvolver os novos programas de reforzo Avanza Lectura e Avanza Matemáticas, que se van poñer en marcha este curso en Primaria ao abeiro do novo Marco galego para o impulso educativo. O conselleiro Román Rodríguez reuniuse co Consello Escolar de Galicia para avaliar o inicio de curso e dar conta das accións da Xunta enfocadas a 'reforzar aprendizaxes apoiando a quen máis o precise, fomentar a cultura do esforzo e impulsar unha mellora integral e continua do sistema'.
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
