viernes, 25 de septiembre de 2026
Deste xeito a Comunidade galega, xunto co País Vasco e Estremadura, son as únicas que rexistran unha baixada no paro a pesares da pandemia que, na media estatal, reflicte un incremento en febreiro do 1,12% respecto ao mes de xaneiro.
En canto as afiliacións, Galicia conta con 994.029 ao peche de febreiro, 1.692 máis que no mes de xaneiro, o que a sitúa en termos absolutos como 4ª comunidade con mellor comportamento, so precedida de Cataluña, Madrid e Murcia.
Con respecto á subida do paro rexistrada na evolución anual -crece en todas as Comunidades Autónomas un 23,50% de media- con respecto a febreiro de 2020, Lado indicou que o incremento é consecuencia da covid-19. O paro interanual aumentou en Galicia nun 11,43% (+18.999 persoas). Pese a este crecemento, a Comunidade continúa en niveis de desemprego inferiores a hai 12 anos: en febreiro de 2009, ao comezo da crise económica, o aumento foi máis do dobre.
A responsable de Formación e Colocación apelou á prudencia, pese á baixada do paro este mes, e sinalou que a Xunta está a reforzar as súas políticas activas de emprego para loitar contra os efectos que a pandemia está a producir no mercado laboral. Así, indicou a importancia de apoiar aos colectivos con máis dificultades para atopar un traballo, como son, entre outros, as mulleres, e aos autónomos e actividades económicas que tiveron que pechar polas restricións sanitarias.
Igualdade laboral
No eido da igualdade laboral, Lado indicou a importancia de seguir facendo un labor de prevención sensibilizando ás empresas. Perfís distintos fan máis produtivos os equipos e ao tecido empresarial, apuntou, ao tempo que explicou que hai compañías que xa están vendo que son máis produtivas cando existe unha igualdade real.
A Xunta conta cun amplo abano de axudas para traballar a favor da igualdade laboral, que se reforzaron este ano con 21 millóns de euros con medidas para impulsar a conciliación, o emprego, a formación e a contratación das mulleres vítimas da violencia de xénero.
A directora xeral apuntou, ademais, que se está a ultimar un estudo sobre o impacto da covid-19 no emprego feminino galego para ter unha fotografía real da situación actual e poder seguir deseñando actuacións para continuar avanzando cara á igualdade de oportunidades. Este traballo está a avaliar, entre outros aspectos, a situación laboral e profesional das mulleres por sectores e provincias; as necesidades e barreiras existentes en materia de formación e dixitalización; o grao de emprego do teletraballo; a conciliación; e o grao de implantación dos plans de igualdade nas empresas.
Outros dos colectivos nos que está a incidir a Xunta é o dos autónomos e tamén naquelas actividades económicas que tiveron que pechar como consecuencia das restricións sanitarias como son a hostalería, os ximnasios ou o sector do ocio infantil, entre outras. Así, o Goberno galego activou en tempo récord axudas directas para salvar o maior número de empregos posibles. Na actualidade, está en marcha o segundo Plan de rescate, que xunto co primeiro, mobilizará máis de 160 millóns de euros en catro meses para autónomos, microempresas, establecementos hostaleiros e outros negocios pechados como consecuencia da pandemia.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
