viernes, 30 de enero de 2026
En definitiva, estamos a falar duns proxectos que suporán uns 17.000 novos postos de traballo, aseverou. Ao presidente o que lle pedín é obxectividade no reparto dos fondos, concorrencia competitiva nos proxectos e el aseguroume que vai haber esa concorrencia competitiva nos proxectos dos fondos Next Generation, sentenciou.
Se ben valorou a resposta da UE, a través dos fondos Next Generation, e do propio Goberno, cos complementos adicionais ao sistema de financiamento autonómico, Alberto Núñez Feijóo expuxo tamén o gran esforzo orzamentario que as comunidades están facendo ante a pandemia.
Ao respecto incidiu en que o diñeiro dos fondos ás comunidades se reparta cun criterio coñecido: Trasladei a necesidade de ponderar este reparto e de non romper o sistema de financiamento que temos, abundou, recordando, ademais, que moitas comunidades tivemos que denunciar o impago do IVE e tamén os incumprimentos dos convenios que tiñamos as que estabamos dentro da estabilidade orzamentaria.
Compromiso coa AP-9 e coa chegada do AVE
Durante a xuntanza, centrada especialmente na xestión da pandemia e nas súas consecuencias sociais e económicas, ambos abordaron outros asuntos prioritarios para Galicia.
Así, en materia de infraestruturas, Feijóo valorou o compromiso do presidente do Goberno coa AP-9, en relación coa baixada de peaxes con cargo a unha partida de 50 millóns de euros, incluída nos orzamentos do Estado.
E tamén plantexou o levantamento da peaxe entre Vigo e Redondela, comprometida desde fai moito tempo, lembrou, e insistiu na transferencia desta infraestrutura á comunidade autónoma. Ao respecto, o presidente do Goberno trasladoume que esa é unha unanimidade dos grupos parlamentarios e, polo tanto, entende que así debe facerse, matizou.
No tocante ao AVE a Madrid, Feijóo destacou o compromiso de Pedro Sánchez de que o AVE a Galicia estea en servizo no segundo semestre do 2021. E, a maiores, tamén abordaron a necesidade de levar a cabo o acceso ao porto exterior da Coruña e a saída Sur de Vigo, dúas infraestruturas estratéxicas para o Corredor Atlántico de mercadorías; así como de retomar o AVE Lugo-Ourense, que acumula grandes atrasos.
Reconsideración da taxa de reposición
Entre as cuestións relativas á pandemia, o responsable do Executivo galego propuxo que se valore e reconsidere a taxa de reposición nas ofertas públicas de emprego, cando menos no ámbito sanitario. É o mínimo que podemos facer polos profesionais da saúde, engadiu, resaltando a disposición do presidente do Goberno de avaliar esta cuestión no ámbito do Consello Interterritorial.
Por outra banda, trasladou a posibilidade legal de ampliar o toque de queda naqueles concellos ou áreas de saúde cunha incidencia pandémica moi elevada. Incluso o confinamento domiciliario en concellos concretos, cunha incidencia do virus moi elevada debería ser un instrumento a disposición das autoridades delegadas, é dicir, dos presidentes autonómicos, precisou.
Así mesmo, avogou por un acordo no Consello Interterritorial para contar cun criterio homoxéneo sobre o uso das máscaras FFP2, ben sexa como recomendación ou excepcionalmente obrigatorio nalgúns casos concretos.
En relación ás vacinas, insistiu na importancia de concretar un calendario vacinal para toda España, así como en que o reparto das doses se estableza en función da poboación diana que corresponda en cada momento. E fixo fincapé na idoneidade de contar cunha Lei da pandemia.
Por outra banda, o titular da Xunta expresou o desexo de que a crise industrial que está a padecer Galicia, como consecuencia da transición enerxética, non a paguen os que non teñen ningunha responsabilidade. Así, avogou por buscar solucións para As Pontes; a venda de Alcoa a un novo dono que active a única planta de aluminio primario en España; solucionar o problema de Ence e manter a industria, porque non estamos no momento de destruír postos de traballo, dixo, referíndose tamén á situación de Meirama.
Estamos de acordo coa transición enerxética, pero ten que ser xusta e ordenada, engadiu, valorando a disposición do presidente do Goberno sobre estas cuestións.
Así mesmo, Feijóo pediu a implicación do Goberno coa comarca de Ferrolterra, ante a necesaria carga de traballo para o estaleiro de Navantia ata que comece a construción das fragatas F-110, co encargo dun buque de aprovisionamento; e a aprobación da construción do dique seco, para garantir a transformación a un estaleiro 4.0.
Galicia vén de pechar o ano 2025 cunha taxa abandono escolar do 10,4%, o que supón 0,4 puntos menos que o ano anterior e coloca á nosa Comunidade 2,4 puntos por debaixo da media estatal (que é do 12,8%), polo que se sitúa entre as autonomías cun mellor resultado neste eido. Así pois, no último ano Galicia reduciu o dobre que o Estado esta variable que mide a porcentaxe de persoas entre 18 e 24 anos sen titulación superior á ESO.
O virus respiratorio sincitial (VRS) continúa a aumentar a taxa de positividade e acada o 10,8 % na semana 4 do ano (do 19 ao 25 de xaneiro), fronte ao 9,8 % da semana previa, tal e como recolle o informe semanal de seguimento deste virus que publica a Consellería de Sanidade. Nesta última semana, obsérvase un incremento na taxa de consultas en atención primaria por bronquiolite en menores de dous anos. En concreto, o incremento foi do 19 % no grupo de nacidos entre abril e setembro de 2025. En canto a hospitalizacións, rexistráronse tres ingresos na última semana no grupo de nados entre abril e setembro de 2025 e catro hospitalizacións de lactantes menores de dous meses, que están a pasar a súa primeira onda do VRS este inverno.
