viernes, 13 de noviembre de 2026
O responsable do departamento de Industrias Culturais da Consellería de Cultura, Educación e Universidade, detallou tamén que o calendario da RGTA para 2021 comezou o pasado 9 de xaneiro e prolongará o seu primeiro período anual ata o 30 de xuño en toda Galicia coa participación de 75 compañías de teatro que levarán a cabo 268 funcións, 15 de danza con 33 actuacións, outros 15 grupos musicais con cadanseu concerto, cinco de novo circo con 14 representacións, e catro colectivos de maxia con outras tantas citas desta disciplina.
Maioritariamente teatro galego
De todas os colectivos artísticos contratados, unicamente nove deles proceden de fóra de Galicia e, por xéneros, o teatro familiar e para adultos é o que rexistra unha maior presenza, con preto do 90% da actividade total da RGTA. Atendendo a unha clasificación por provincias, os 20 concellos participantes da Coruña asumen 154 funcións, 55 os seis de Lugo, 37 os catro de Ourense e 88 os 11 municipios da provincia de Pontevedra.
Na súa intervención, Jacobo Sutil lembrou que, maila crise sanitaria, a RGTA volveu ser un dos programas culturais máis intensos e extensos de todos os promovidos pola Xunta, xa que en 2020 foi quen de levar a cabo 488 funcións e de pechar o pasado ano cunha taxa de reprogramación do 82% sobre as actuacións que tiveron que ser suspendidas. Celebrou, así mesmo, o compromiso dos concellos participantes para o actual semestre a través da maioritaria contratación de espectáculos producidos en Galicia polos nosos profesionais.
Carteleira compensada e de proximidade
No caso de Ames, que achega á RGTA 380 butacas dispoñibles nas casas da cultura de Bertamiráns e do Milladoiro, o director da Agadic valorou especialmente o esforzo dos responsables municipais por ofrecerlle á súa veciñanza unha programación de proximidade e de xeito compensado nos seus dous principais núcleos de poboación. Unha carteleira de calidade, con presenza de moitos dos espectáculos que veñen colleitando maior aceptación nos últimos meses xunto a outros que inician unha prometedora traxectoria e un calendario con 13 citas moi ben artelladas en canto a xéneros, estilos e perfís de público receptor, dixo.
A programación de Ames arrancará o vindeiro 22 de xaneiro co concerto de Oviravai Paio e o poder da música, para continuar o día 29 con Sarabela Teatro e a montaxe A lingua das bolboretas. Xa en febreiro, Ainé Producións porá en escena O montacargas (día 5), Talía Teatro representará Voa, voa! (tamén o día 5), e a cantante Uxía ofrecerá un concerto en formación de trío o venres 26. Marzo será o mes de maior actividade: Inversa Teatro o día 5 con Sofía e as postsocráticas, a mesma xornada que Baobab Teatro estará con Mai mai. Percubebés achegará o seu Almanaque musical o día 12 e, coincidindo coa celebración do Día Mundial do Teatro, Contraproducións fará dúas funcións de Mocos o 26 e mais o 27 de marzo. As últimas citas deste semestre no calendario amesán dentro da RGTA serán con Caramuxo Teatro e o espectáculo Catro o 16 de abril, La Macana coa peza de danza Pink Unicorns o 30 de abril e a compañía Rebordelos con Liberto o 7 de maio.
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
