sábado, 28 de junio de 2025
Así, os grandes protagonistas do Nadal no Gaiás deste ano serán as actuacións musicais ao vivo de Xesús Vaamonde & Xosé Lois Romero e os seus cantos tradicionais de Reis o 26 de decembro de Soledad Felloza e Esemble ConcertArt con interpretación de axóuxeres e panxoliñas o 28 de decembro e as versións en rock e música urbana de temas infantís de Uxía Lambona e a Banda Molona o 4 de xaneiro.
Para asistir ás actuacións ao vivo poderá retirarse o convite gratuíto con antelación en www.cidadedacultura.gal, a mesma semana de cada espectáculo. Ademais, as tres actuacións serán retransmitidas pola canle de YouTube da Cidade da Cultura para, deste xeito, compensar a limitación de prazas dispoñibles polas restricións que marcan as actuais medidas de seguridade sanitaria.
Ao ser estas unhas festas que dan entrada ao 2021, Ano Xacobeo, o Camiño ten tamén presenza simbólica no relato deste Nadal no Gaiás, comezando pola iluminación exterior do complexo do Gaiás, inspirada na Vía láctea, e a árbore stellae do Museo Centro Gaiás, deseñada pola artista visual Marta Verde, mentres que no Bosque de Galicia loce tamén unha árbore luminosa. A programación complétase cunha instalación audiovisual, Nadal en Súper8, que proxecta no Museo unha peza creada con gravacións caseiras e familiares do Nadal feitas en Súper8 nos anos 70 do século pasado.
Exposicións e intervencións artísticas
Estes días do Nadal serán ademais unha das últimas oportunidades para visitar a mostra Cinema e emocións: unha viaxe á infancia, que ata o 10 de xaneiro acolle o Museo Gaiás, un percorrido polos filmes que marcaron a nosa infancia desde a ollada inocente dos nenos e nenas. Tamén alí poden visitarse Galicia, de Nós a nós a mostra máis ambiciosa sobre a Xeración e revista Nós con motivo do seu centenario, aberta ata o 17 de xaneiro e As miradas de Isaac merecida homenaxe e amplo percorrido pola traxectoria dunha personaxe irrepetible: o poliédrico Díaz Pardo. Cómpre lembrar que o Museo mantén o seu horario habitual de 10,00 a 20,00 horas, excepto os días 24 e 31 de decembro que pechará ás 15,00 horas e o 25 de decembro e 1 de xaneiro que non abrirá as súas portas. As tres exposicións poden visitarse libremente, sen necesidade de rexistro previo, ao igual que o mural de Luis Seoane que desde este mesmo mes de decembro está instalado no andar 0 do Museo: unha obra das poucas que se poden contemplar en Galicia da produción muralística do artista, que si é abundante na Arxentina. A oferta de visitas comentadas ás exposicións, tamén de balde, si precisa de inscrición a través da web cidadedacultura.gal, xa que conta cun número de prazas moi limitado por causa das medidas da covid-19.
A oferta expositiva do Gaiás complétase coa intervención artística A distancia da imaxe, que converte as Torres Hejduk nun depósito fotográfico e auditivo de memorias do Camiño de Santiago, e a intervención paisaxística Espellos, que o escultor Manolo Paz vén de realizar no cumio do Bosque de Galicia e desde a que se ofrece unha vista de excepcional beleza da cidade de Compostela.
Por último, a Biblioteca de Galicia conta tamén con dúas exposicións abertas nestas datas: Lugín en Compostela, un percorrido bibliográfico con motivo do 150 aniversario do nacemento do autor Alejandro Pérez Lugín, e Pobre Asunción!: a violencia de xénero na prensa, na que se recompila o tratamento da violencia machista na prensa desde o século XIII ata os nosos días.
Galicia reforza por terceiro curso consecutivo o seu liderado na taxa de escolaridade de 0 a 3 anos e achégase ao 65 %, máis de 15 puntos por riba da media de España, segundo os últimos datos oficiais que vén de publicar hoxe o Ministerio de Educación, Formación Profesional e Deportes. Deste xeito, Galicia segue sendo a comunidade autónoma onde máis familias poden acudir a unha escola infantil totalmente gratuíta. As cifras oficiais revelan que Galicia rexistrou no curso 2024-2025 unha taxa do 64,3 % de escolarización, máis de catro puntos por riba do 60,6 % acadado no período anterior. Esta porcentaxe mantén á comunidade ao nivel dos países con maiores índices de benestar en Europa, como Suecia ou Dinamarca.
No marco do Plan de Actuacións da Xunta de Galicia fronte aos posibles efectos das altas temperaturas sobre a saúde, vénse de activar o nivel 1 de alerta a diversas áreas da comunidade autónoma por episodio de calor. Meteogalicia informa que a partir da xornada do venres 27, as altas presións volverán localizarse ao norte da península Ibérica, achegando unha masa de aire moi cálida de orixe norteafricana. Isto fará que as temperaturas experimenten significativos ascensos, tanto nos valores mínimos como nos máximos. Este ascenso de temperaturas comezará a notarse desde ese mesmo día, cando en moitos puntos de Galicia se superarán os 30ºC, e mesmo os 35ºC, en puntos do interior.
