viernes, 30 de octubre de 2026
Como consecuencia das actuais limitacións derivadas da crise sanitaria, a xornada, ademais do formato presencial na sede da Área Empresarial do Tambre, a onde acudiron os socios españois do proxecto, tamén se retransmitiu por streaming, formato que seguiron os socios portugueses.
Este encontro celebrouse no marco do proxecto SPIN_UP Definición e implementación de núcleos locais de transferencia para a promoción de spinoffs universitarias e startups innovadoras cofinanciado ao 75 % polo programa INTERREG V-A España-Portugal (POCTEP) 2014-2020 a través do Fondo Europeo de Desenvolvemento Rexional (FEDER) da Unión Europea, ten como obxectivo final estimular a creación de empresas a través da transferencia de tecnoloxía e coñecemento mediante o encontro entre o tecido produtivo e a oferta dos axentes xeradores de coñecemento. Como socios do proxecto participan, da parte española, Uninova, Igape, Asociación Área Empresarial do Tambre e Cámara de Comercio Santiago, e, da parte portuguesa, Universidade do Porto e Anje.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trío do saxofonista e clarinetista cubano Paquito DRivera. Neste mesmo escenario actuarán Abe Rábade, o día 8, e Kenny Barron Trio, o 11. No Círculo das Artes sucederanse James Carter Organ Trio, o 5 de novembro; Jogo de Damas, o día 6; Takuya Kuroda Quintet, o 7; Patricia Brennan Septet, o día 12; Erik Truffaz & Antonio Lizana, o día 13, e Clarence Bekker Band, o 14 de novembro.
O informe da Dirección Xeral de Saúde Pública da Consellería de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antíxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
