lunes, 10 de agosto de 2026
Nesta liña, subliñou que os orzamentos inclúen a parte que lle corresponde a Galicia da transferencia extraordinaria do Estado ás comunidades: 684,9 millóns de euros, resultado de aplicar o 1,1% de PIB estimado para Galicia en 2021. E os recursos de React-EU, dos que se inclúen unha previsión de 430 millóns de euros.
E, en canto á capacidade de endebedamento autorizada a título orientativo polo Goberno central, que é do 1,1% do PIB, no caso de Galicia ascende a outros 684,9 millóns, engadiu, incidindo que Galicia presuposta ese 1,1% porque o comportamento da débeda pública galega foi moi rigoroso en exercicios anteriores e, polo tanto, existe esa capacidade de endebedamento.
Con estes ingresos, Galicia contará cun límite de gasto de 11.664 millóns de euros, o que supón a maior cifra desde que existe este instrumento, dos cales: 9.864 millóns serán ingresos ordinarios e 1.800 millóns serán extraordinarios.
O presidente da Xunta salientou que o teito de gasto medra un 14,9% con respecto ao orzamento do presente exercicio, o que vai permitir incrementar as capacidades de gasto ao redor de 1.500 millóns en relación ao 2020, que se dedicarán basicamente a investimento produtivo, a reactivación económica e a conter o desemprego, anticipou.
Feijóo concluíu subliñando que o teito de gasto circunscríbese no cadro macroeconómico dunhas previsións de PIB e de emprego que son realistas e non están maquilladas. Entendemos que a economía galega vai ter un decremento do PIB do 9,7% para este ano e, en termos de emprego, na taxa EPA imos pasar do 11,8% que acabamos de consolidar este último trimestre a un 12,3% a finais de 2020. Mentres, en 2021, a recuperación do PIB estimámola nun 8% e a taxa de paro subirá ata o 12,9%, aseverou.
En definitiva, actualizamos con realismo o cadro macroeconómico deste ano; aproveitamos ao máximo as posibilidades dado o noso menor endebedamento respecto ao resto das comunidades autónomas; e aprobamos un teito de gasto excepcional para manter os servizos públicos, facer unha bolsa moi importante dos gastos da covid e reactivar a economía con maior intensidade que nunca nun exercicio orzamentario, concluíu, a modo de resumo.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
