A Xunta celebra que os Orzamentos do Estado recollan a petición de bonificar as peaxes da AP-9
A Xunta celebra que o Proxecto de Orzamentos Xerais do Estado atendan, por fin, as demandas que a Administración autonómica vén facendo en relación coa AP-9, a supresión da peaxe de Redondela e rebaixas nas peaxes da autoestrada; e agarda, que nesta ocasión, non quede en promesas incumpridas. O Goberno galego acadou, no ano 2018, o compromiso do Goberno de España, presidido por Mariano Rajoy, de liberación da peaxe de Redondela que, ao fin, aparece recollido nas contas presentadas no día de hoxe ante o Congreso.
A Xunta agarda que o Ministerio de Transportes, Mobilidade e Axenda Urbana concrete a aplicación concreta das bonificacións recollidas no Proxecto de Orzamentos Xerais e estará vixiante para garantir que beneficien ao conxunto dos usuarios e non incrementen os beneficios da concesionaria.
Á marxe disto, o Executivo autonómico lamenta a ausencia de bonificacións na AP-53 e de partidas orzamentarias para infraestruturas estratéxicas para Galicia, tanto en materia de comunicacións viarias como no terreo das conexións ferroviarias dos portos ou nas estacións intermodais.
Investimento para Galicia
Non obstante, a Xunta lamenta que o proxecto de PGE para 2021 rebaixe o investimento previsto para Galicia nun 11% en relación aos últimos orzamentos aprobados polo Goberno anterior, e que se quede en 832 millóns de euros, a cifra máis baixa dos últimos 15 anos.
Por outro lado, o Goberno galego considera que os orzamentos medran a costa de subir os impostos ás familias, aos autónomos e ás pemes, posto que a maior parte desta suba non é para os que máis gañan nin para os que máis teñen, polo que prexudica ás clases medias e ás empresas nun momento excepcional no que necesitan apoio.
R., 2020-10-29
Actualidad
O equipo, eminentemente galego e cunha moi alta porcentaxe feminina, está a filmar en distintas localizacións das provincias da Coruña e Lugo, a través das que se reconstrúe o nacemento e a evolución da mítica fábrica de cerámica, que se deu en chamar a Bauhaus galega polas cores, formas e deseños vangardistas das súas creacións. Ao tempo, contarase tamén a historia de Galicia a través do seu deseño, cos seus elementos diferenciais e de calidade no centro do discurso. Outros dos escenarios polos que discorrerá Hoxe e o resto do mundo son Cervo (Lugo), onde comeza esta historia a primeiros do século XIX, Sada (A Coruña) e Santiago de Compostela, ademais doutros espazos da cidade herculina.
O CDG celebra os 40 anos da súa fundación desenvolvendo unha intensa programación que estende a súa actividade á produción e participación en 15 espectáculos e proxectos escénicos, a máis de 100 concellos de toda a Comunidade e á colaboración con entidades dunha decena de países en Europa e América. En palabras de Román Rodríguez, conselleiro de Cultura, a unidade teatral continuará avanzando nunhas liñas mestras que, desde o respecto ao pasado, poñen o foco en novas vías de encontro coa cidadanía, na accesibilidade, na proxección exterior ou na creación galega.
Notas
A Facultade de Química será entre os días 3 e 6 de setembro a sede do XI Congreso Internacional de Nanociencia e Nanotecnoloxía Analítica (XI NyNA 2024). O encontro está organizado polo grupo de investigación de Elementos Traza, Espectroscopía e Especiación (GETEE) e o Instituto de Materiais (iMATUS) da USC coa colaboración do Grupo Especializado en Ciencia e Tecnoloxías (Bio) Analíticas da Real Sociedade Española de Química (RSEQ).
Os vindeiros 9, 10 e 11 de abril celébrase na Universidade da Coruña o primeiro congreso IA & Hospitality, un espazo onde se analizará a relación presente e futura entre a Intelixencia Artificial e o turismo, un dos principais motores económicos do noso país. O programa do congreso, que terá lugar no Paraninfo da UDC, inclúe oito mesas de debate nas que se tratará dende a experiencia do cliente ata a ciberseguridade e os destinos e a IA.