viernes, 9 de octubre de 2026
Uns proxectos, en definitiva, para promover, un crecemento económico: verde, dixital, e inclusivo, dixo, subliñando que se trata dunha primeira entrega de iniciativas sólidas, definidas e estudadas para recibir e executar os fondos que correspondan que se remitirán ao Goberno central nas próximas horas.
O presidente da Xunta reiterou a necesidade de coñecer o criterio a seguir na distribución dos fondos, subliñando que non cabe un sistema de reparto por cotas territoriais nin á carta, senón que debe ser mediante concorrencia competitiva e primando o interese xeral e non criterios partidistas.
Nese sentido, trasladou a preocupación de que España se conforme con solicitar a Europa só a metade dos 140.000 millóns de euros que nos corresponderían e renuncie, nesta primeira fase, a un segundo tramo de 70.000 millóns de euros, que se outorgarían en forma de préstamos. Cremos que esta decisión supón unha perda de oportunidades, sentenciou.
Pola súa banda, o vicepresidente segundo, Francisco Conde, incidiu en que xunto coa sensibilidade dos proxectos co ámbito sanitario, estas iniciativas sitúan as mozas e mozos, mulleres e persoas maiores no centro da transformación de Galicia.
Tal e como especificou, dentro do primeiro eixe centrado na modernización do tecido produtivo enmárcanse 32 iniciativas cunha mobilización de 4700M. O segundo eixe, dirixido a promover a mobilidade sustentable e a transición ecolóxica engloba 33 propostas que suporían 2700 millóns. En canto ao eixe destinado a impulsar unha Galicia máis cohesionada social e territorialmente inclúe 27 proxectos que mobilizarían 1300 millóns de euros. Finalmente, hai un total de 16 actuacións cun investimento de 614 millóns de euros para lograr unha administración máis dinámica e dixital.
Conde tamén aclarou que tras identificar estes proxectos a Xunta seguirá avanzando na busca de novas propostas a través da colaboración co tecido empresarial, do diálogo social e da man do Comité de expertos económicos. Así, mañá mesmo se celebrará unha nova reunión da Comisión Next Generation.
Foi presentada a novena edición de Intersección, Festival Internacional de Cine da Coruña, celebrada nos Cantones Cines. O festival desenvolverase do 13 ao 17 de outubro cunha programación que combina proxeccións, exposicións, formación e encontros profesionais arredor das novas linguaxes cinematográficas. Así, as seccións competitivas Galicia, Internacional e Fulgor achegarán ao público obras afastadas dos circuítos comerciais habituais e novas voces da creación audiovisual contemporánea. En concreto, a sección Internacional reúne 27 filmes procedentes de 22 países, entre os que figuran catro estreas mundiais, 17 en España e cinco en Galicia. As propostas exploran cuestións como a tecnoloxía, a memoria, o territorio e a identidade desde linguaxes e xeografías diversas.
A Real Academia Galega de Ciencias (RAGC) celebrou en Santiago, no Salón Nobre do Colexio de Fonseca, o acto do Día da Ciencia en Galicia, no que se homenaxeou á oceanógrafa Aida Fernández Ríos (Vigo, 1947 - Moaña, 2015) como Científica Galega 2026. Ademais, entregáronse as Medallas de Investigación a cinco científicas e científicos da nosa comunidade. O presidente da Academia destacou que 'Aida Fernández Ríos foi unha investigadora capaz de identificar problemas relevantes e de situalos nun contexto internacional, converténdose nunha científica respectada moito máis alá de Galicia.
