lunes, 10 de agosto de 2026
En canto á taxa interanual é dicir, a evolución da economía en comparación co segundo trimestre do ano 2019-, o IGE estima que o PIB galego rexistrou un descenso do 17,9%. Esta baixada é tamén inferior á rexistrada pola economía española no mesmo período, que segundo a estimación realizada polo INE foi do 22,1%, de xeito que o PIB español no 2º trimestre descendeu 4,2 puntos máis que o galego.
Desde o punto de vista da demanda, no segundo trimestre do ano o gasto en consumo final diminuíu un 18,9% en comparación co mesmo trimestre de 2019, e a formación bruta de capital baixou un 24,7%. En canto á demanda externa, as exportacións de bens e servizos diminuíron un 19,9% e as importacións de bens e servizos caeron tamén un 23,4%.
Sectores
No que respecta á oferta, todos os sectores rexistraron taxas de variación negativas. O sector primario foi o menos afectado, cun descenso do 2%; pola contra, o sector servizos baixou un 16,5%, cun maior impacto nas actividades máis afectadas polo cese da actividade desde a segunda quincena de marzo, especialmente o comercio, transporte e hostalería
(-38,3%). Mentres, a industria descendeu un 19,7% e o sector da construción un 23,2%.
As Contas económicas trimestrais do IGE mostran que o emprego -medido en termos de postos de traballo equivalentes a tempo completo- diminuíu un 22,5% no 2º trimestre. As ramas de actividade nas que máis baixou foron as relacionadas co comercio, transporte e hostalería (-36,9%) e actividades artísticas, recreativas e outros servizos (-30,7%).
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
