lunes, 21 de septiembre de 2026
Deuse prioridade aos proxectos que procuran a promoción do Camiño de Santiago e do Xacobeo 2021; actividades de recuperación da cultura, a arte e as tradicións galegas; conservación e mellora da natureza e creación de contornas sustentables; igualdade de xénero; iniciativas orientadas á innovación e investigación sobre o benestar dos maiores; accións de humanización de contornas rurais e urbanas; fomento de uso das Tecnoloxías da Información e a Comunicación; sondaxes sobre as necesidades da veciñanza; eliminación dos estereotipos sobre as persoas maiores e fomento da cooperación interxeracional entre os maiores e a mocidade, como xeito de aprendizaxe mutuo.
O programa de Voluntariado Xuvenil ten como obxectivo manter a Galicia como comunidade de referencia neste ámbito. Actualmente, máis de 9000 persoas participaron activamente nas accións postas en marcha pola Xunta en 2019, un 11% máis con respecto ao exercicio pasado. Ademais, hai máis de 1000 entidades inscritas no Rexistro autonómico de acción voluntaria.
Voluntariado Sénior
Por outra parte, o Goberno galego financia 45 proxectos de Voluntariado Sénior de 26 entidades de acción voluntaria e 19 concellos inscritos no Rexistro de Acción Voluntaria de Galicia. Destínanse un total de 100.000 euros a financiar estas as actividades e proxectos que están destinadas a incentivar a participación de persoas maiores de 55 anos.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
