miércoles, 30 de septiembre de 2026
O Deputado de Promoción Económica e Social, Pablo Rivera, responsable da área de Benestar que xestiona os centros, explica que estas actividades fan que os nosos maiores pasen unha xornada diferente, de alegría,e non só unha xornada, xa que levan preparando este día, tan arraigado en Galicia, durante toda a semana. Desfrutan moito das actividades, o que mellora a súa calidade de vida e benestar. Así mesmo, Rivera subliña a disposición do cadro de persoal dos catro centros por involucrarse nestas actividades e converter un día normal nun día especial. Nestes momentos é incluso máis importante promover accións, logo do período de confinamento que vimos de pasar, subliña.
As direccións dos centros planificaron comidas e merendas a base de churrasco, sardiñas e filloas. Incluso esta noite realizarán pequenas fogueiras de maneira simbólica para realizar o ritual de boa sorte das herbas de San Xoán. Ao longo da semana pasada aproveitaron os seus paseos para ir recollendo flores e participaron en obradoiros e actividades para coñecer os ritos e refráns vencellados con esta festividade.
Centros e actividades
CAM de Trabada
O martes: Merenda especial con churrascada e sardiñada (sen espiñas). Música e baile e preparación das augas das 7 herbas de San Xoán.
- Mércores: Ritual das herbas de San Xoán.
CAM de Ribadeo
- O martes: Asado de sardiñas nos exteriores do CAM a mediodía. Actividade de ditos e refráns sobre a festividade. Xantar con menú especial de San Xoán con sardiñas e patacas cocidas con pel. Pola tarde, actividades de animación e preparación das herbas de San Xoán, recollidas polos usuarios o día anterior.
- Mércores: Ritual das herbas de San Xoán.
CAM de Pol
- O martes: Merenda especial con churrasco e sardiñas onde se celebrará o aniversario do mes. Festa con sangría e sidra sen alcol e recollida de herbas para o ritual de San Xoán. Ao anoitecer realizarán a fogueira do Lume Novo.
- Mércores: Ritual das herbas de San Xoán.
CAM daFonsagrada
- O martes: Merenda con filloas e chulas con chocolate e café, con música e baile. Presentarán o mural de San Xoán e colocarán as flores nas portas e ventás do centro. Antes da cea realizarán o ritual de auga de rosas e despois da cea proxectarán a fogueira e realizarán ritos de bos desexos.
A sexta edición de 6coreógrafas acollerá dúas estreas: Trés bien, de Marta Alonso Tejada, un dúo de danza contemporánea de rúa interpretado por María de Vicente e Inés Santos que explora o esforzo de sosterse e permanecer xuntas, e BenQuererme, un solo de de Fran Sieira, que combina danza tradicional e contemporánea para reflexionar sobre o autocoidado emocional e o amor propio. A programación completarase con Suit(e), de Furia Sotelo, un diálogo entre a danza de Nuria Sotelo e o violonchelo de Millán Abeledo, e Bipedestrucción, da compañía navarro-galega Disiden.cia, unha peza de rúa para todos os públicos que aborda desde o humor a identidade, a diversidade e a importancia da comunidade.
O presidente da Xunta, Alfonso Rueda, informou de que o Goberno autonómico vén de autorizar na reunión desta mañá o envío ao Consello Consultivo de Galicia do decreto polo que se crea o Rexistro de autorizacións e concesións no dominio público marítimo-terrestre (DPMT). 'Isto vai situar Galicia á vangarda en transparencia e xestión do litoral', indicou. 'Imos habilitar un sistema para que a cidadanía poida coñecer en todo momento os usos e autorizacións vixentes na costa galega', salientou o presidente sobre un Rexistro, concibido para incorporar progresivamente as autorizacións e concesións no DPMT e que permitirá sistematizar e ampliar a información dispoñible sobre as actividades autorizadas, o que resulta fundamental para avanzar na planificación, protección e xestión integrada da costa galega así como reforzar a seguridade xurídica das actividades e proxectos.
