miércoles, 18 de febrero de 2026
O encontro estará ademais conducido polo director da Agadic, Jacobo Sutil. A sesión proponse analizar cuestións de fonda actualidade para os profesionais do ámbito da edición no momento actual, un sector marcado polo impacto económico da crise sanitaria nas salas de cine, o auxe de novos formatos e plataformas de distribución ou as consecuencias dos aprazamentos en rodaxes ou presentacións, que a propia Carla Simón sufriu estes días ao verse na obriga de aprazar un ano a rodaxe da súa segunda longametraxe, Alcarràs.
A actividade, dirixida a profesionais do eido cultural e a todo tipo de público interesado, está organizada pola Consellería de Cultura e Turismo, a través da Fundación Cidade da Cultura de Galicia, no marco do Xacobeo 2021. Forma parte do Plan de reactivación dos sectores cultural e turístico fronte aos efectos derivados da covid-19 e poderá seguirse de balde por videoconferencia en cidadedacultura.gal.
Dous relatores de excepción
A directora de cine e guionista catalá Carla Simón parte da súa propia experiencia vital e familiar para plasmar nas súas películas a complexidade da condición humana e das relacións familiares. Graduada en Comunicación Audiovisual pola UAB, estudou tamén na Universidade de California e a London Film School, onde escribiu e dirixiu o documental Born positive e a ficción Lipstick. Las pequeñas cosas. Estiu 1993 é o seu debut cinematográfico, no que conta a historia dunha nena de seis anos que vén de perder a súa nai e se muda ao campo coa súa nova familia. Estreada na Berlinale 2017 onde gañou o premio á Mellor Ópera Prima foi seleccionada para representar a España nos Oscar e recolleu máis 30 galardóns en todo o mundo, entre eles tres Goya. Carla Simón foi tamén recoñecida co premio ao talento emerxente Woman in Motion en Cannes 2018 e traballa agora na súa segunda longametraxe, Alcarràs, que vén de verse na obriga de aprazar un ano a súa rodaxe a consecuencia da covid-19. A cineasta tamén ensina cine a nenos a través do programa Cinema en Curs en Barcelona e imparte clases na ESCAC.
Compartirá espazo nos Foros #aculturasegue con Alfonso Blanco, quen na súa traxectoria como produtor conta con series como Terra de Miranda, As leis de Celavella, ou as inesquecibles Matalobos e Mareas Vivas, longametraxes de televisión como La Rosa de Alejandría ou Os fillos do sol e cine como El menor de los males, De Bares e Catalina. En 2010, funda Portocabo, onde ocupa o posto de CEO. En poucos anos posiciona a compañía como un referente nos principais mercados de coprodución Europeos, establecendo unha rede de alianzas para producir ficción para o mercado global. Nos dez anos de traxectoria de Portocabo converteuse nun dos produtores executivos máis relevantes do país, producindo ficción para Movistar +, ARTE France, RAI, RTP, Disney, TV3, TVG, etc e con series como: Hierro e Auga seca, ou o drama romántico Vidago Palace. É o primeiro galego en formar parte da International Academy of Television Arts & Sciences a Academia dos Premios Emmy e é tamén docente dende o 2004 no Máster de Produción e Xestión Audiovisual da Universidade a Coruña.
Reflexións sobre a cultura na era poscovid-19
Os Foros #aculturasegue consisten nunha serie de encontros online en formato webinario con especialistas procedentes de distintos campos das industrias creativas. Propóñense convidar á reflexión e á análise dos retos aos que se enfronta o sector no contexto actual de emerxencia sanitaria, e das implicacións que as medidas de contención da covid-19 están a provocar nas empresas e profesionais da cultura.
As súas catro primeiras entregas centráronse nos retos para os sectores do libro coa participación do director de Turner, Santiago Fernández de Caleya e a responsable de edición de Rinoceronte Editora, Anxa Correa, da música clásica ¬co ensaísta e crítico Juan Ángel Vela del Campo e a directora técnica da Real Filharmonía de Galicia, Sabela García Fonte e das artes escénicas cos directores artísticos de La Fura dels Baus, Carlus Padrissa, e Voadora, Marta Pazos; e na creación de contidos dixitais no contexto actual coa responsable de programas virtuais do Museo Reina Sofía, Olga Sevillano Pintado, e do coordinador de proxectos dixitais do Consello da Cultura Galega, Manuel Gago Mariño. Todos eles puideron seguirse en directo coa posibilidade de establecer un diálogo cos relatores participantes e poden ser vistos novamente na canle de YouTube da Cidade da Cultura de Galicia.
A Xunta de Galicia abre a finais do mes de febreiro no Museo Centro Gaiás As estacións do ano na arte galega dos séculos XX e XXI, unha exposición concibida como experiencia sensorial e inmersiva ao redor das representacións estéticas da primavera, o verán, o outono e o inverno galegos. Xogando coa colocación das obras no espazo, así como coa temperatura, as cores, os sons e as texturas, As estacións do ano constrúe un itinerario singular pola historia da arte que vai desde o Movemento Rexionalista de comezos do pasado século ata as xeracións máis novas que están a gañar recoñecemento a nivel estatal e internacional.
A conselleira do Mar, Marta Villaverde, reiterou hoxe a necesidade de que o Executivo estatal rebaixe o IVE dos produtos pesqueiros, unha demanda persistente do conxunto da cadea mar-industria galega que, segundo subliñou, permitiría favorecer hábitos de alimentación saudable e reforzar un sector estratéxico para Galicia. A responsable autonómica insistiu nesta petición durante a inauguración da xornada A fiscalidade dos alimentos: retos e realidade no sector primario, organizada pola Unión de Consumidores de Galicia (UCGAL) en colaboración co Consello Económico e Social. Tamén incidiu en que o peixe, o marisco e as conservas constitúen alimentos de alto valor nutricional e recordou que Galicia leva anos defendendo que deben ser considerados produtos básicos tamén desde o punto de vista fiscal.
