sábado, 12 de julio de 2025
Así, e tras lembrar que pasado mañá se cumprirán xa tres meses desde que se detectara o primeiro caso de coronavirus na comunidade galega, Almuiña apuntou que o novo informe trasladado pola Consellería de Sanidade ao Ministerio, inclúe un total de 159 páxinas nas que se detallan os diferentes indicadores que miden a evolución da pandemia da covid-19, e que deberan permitir pasar á seguinte fase da desescalada a Galicia.
O conselleiro puxo en valor a capacidade que posúe Servizo Galego de Saúde á hora de realizar probas de diagnose, explicando que até o pasado 11 de maio, levábanse realizadas 8.761 probas PCR nos centros de Atención Primaria, e 4.825 nos hospitais. Neste mesma liña, remarcou o incremento na capacidade de detección de novos casos do Sergas, puntualizando que segundo os datos epidemiolóxicos que se desprenden das probas, no transcurso dos últimos 16 días, o número de casos positivos rexistrados están en torno ao 1%.
O titular de Sanidade tamén destacou que nos últimos dous días non se produciron falecementos en Galicia e puxo en valor o feito de que a comunidade galega é a segunda con menor taxa de letalidade de todo o territorio español cun 6.67%, tan só por detrás de Canarias (6.49%).
Durante a súa intervención, Almuiña repasou os derradeiros datos que deixa a pandemia da covid-19 en Galicia, explicando que o número total de afectados acumulado é de 11.314, que na actualidade hai 677 casos activos e en seguimento no seu domicilio, 27 persoas en unidades de hospitalización, e 3 pacientes que permanecen nas UCI dos complexos hospitalarios de Santiago, Lugo e Vigo (Povisa).
Respecto das probas diagnósticas, sinalou que en Galicia até de agora lévanse realizadas no un total de 319.109 probas, das que 144.226 foron PCR e 174.883 test serolóxicos. Neste senso, apuntou o comezo inminente de diferentes programas de cribados de poboacións vulnerables, como poden ser os mariñeiros ou as Forzas e Corpos de Seguridade do Estado
Así mesmo, apostilou Almuiña, a documentación trasladada polo departamento sanitario galego ao Ministerio reitera a solicitude de rematar coas limitacións de mobilidade existentes entre as catro provincias galegas.
Pola súa banda, o director xeral de Asistencia Sanitaria, Jorge Aboal, puxo o foco no bo funcionamento da rede de Vixilancia de Atención Primaria, expoñendo que xa se levan identificado, até hoxe, 2.040 casos sospeitosos de covid-19 e que, tras realizárllelas probas aos pacientes que presentaban a devandita sintomatoloxía, un total de 8 persoas deron positivo.
Xunto con isto, Aboal tamén destacou o traballo da plataforma de seguimento das persoas que tiveron contacto cunha persoa covid positivo, apuntando que nestes intres, 176 persoas están en seguimento.
O director Xeral de Asistencia Sanitaria do Sergas, incidiu na capacidade de resposta que mantén o sistema sanitario galego á hora de realizar PCR, destacando a novidosa técnica do Pooling que se está a empregar en Galicia, a incorporación de dous robots nos centros hospitalarios de Santiago e a Coruña, cos que se poderán procesar até 2400 probas ao día por centro, e os bos resultados que se están a desprender da aplicación do plasma hiperinmune en paciente covid-19, e da que xa se beneficiaron seis persoas.
Por último, Aboal comunicou que se está a reactivar a actividade asistencial do Servizo Galego de Saúde e que paseniñamente se retomara a actividade quirúrxica habitual.
Finalmente, o subdirector de Información sobre Saúde e Epidemioloxía, Xurxo Hervada, subliñou o carácter descendente que segue a amosar a curva de contaxios en Galicia. En concreto, durante os últimos 3 días un total de 306 concellos galegos non rexistraron casos de transmisión comunitaria; durante os últimos 7 días foron 277 concellos sen transmisión comunitaria; nos últimos 14 días a cifra de 273 concellos e, finalmente, durante os últimos 28 días, un total de 229 concellos, non tiveron casos de transmisión comunitaria.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
