martes, 13 de mayo de 2025
No pasado exercicio, rexistráronse 136 doantes de órganos e un total de 354 transplantes. Neste sentido, resulta especialmente salientable o mínimo histórico do 13,4% no índice de negativas familiares á doazón, porcentaxe que, mesmo, se atopa por debaixo da media estatal.
Positiva evolución
ADOS salienta que, ata o pasado 13 de marzo, a evolución da actitividade de transplante en Galicia experimentou un forte crecemento do 22% con respecto ao ano anterior, evolución que, tras a declaración do estado de alarma por mor da pandemia do COVID-19, viuse ralentizada. Non obstante, salientar que, a pesares das circunstancias, desde mediados de marzo, leváronse a cabo en Galicia 38 transplantes de órganos, garantindo que os doentes máis sensibles puideran someterse as intervencións precisas para salvar as súas vidas. Asi mesmo, no que vai de ano 44 persoas converteronse en doantes de órganos.
Neste sentido, salientar que Galicia está a participar no Plan Post-COVID impulsado pola Organización Nacional de Transplantes, que ten por obxectivo reactivar o programa de doazón e transplantes que tan bos resultados está obtendo desde o seu inicio e paliar, deste xeito, a repercusión que esta pandemia tivo sobre a evolución do programa transplantatorio.
O obxectivo do Plan Post-COVID pasa por incrementar, no transcurso dos vindeiros meses, tanto o número de doantes como de transplantes, garantindo a seguridade dos receptores, xa que os doentes transplantados reciben terapia inmunosupresora para evitar o rexeitamento do órgano transplantado, circunstancia que os convirte en especialmente vulnerables ás infeccións en xeral.
Doazón de medula ósea
Nesta xornada, a Coordinación Autronómica de ADOS non quere esquecer a solidariedade dos preto de 11.800 galegos e galegas inscritos como potenciais doantes de medula ósea no REDMO (Rexistro Español de Doantes de Medula Ósea) e que permitiron que no pasado ano se realizanse en Galica 59 transplantes de medula ósea.
Neste sentido que, tanto a ONT como a Axencia de Doazón de Órganos e Sangue están a promover un programa de información e sensibilización social a prol deste xesto solidario que fomente a progresiva incorporacion de novos doantes.
Concurso de debuxo
Aínda que polas circunstancias, no presente ano non se puido levar a cabo a tradicional entrega de premios do concurso de debuxo sobre doazón e transplante de órganos para escolares, ADOS quere amosar o seu recoñecemento a todos os estudantes e docentes que participaron grazas ao patrocinio de Supermercados GADIS.
No presente ano resultaron gañadores da II edición do Concurso de Carteis para escolares relacionado coa doazón e os transplantes e na que concorreron alumnos do primero ciclo de Educación Secundaria Obrigatoria de centros educativos de toda Galicia, Alba García Sevilla que co seu traballo Sé solidari@. Doar é doado, que obtivo o primeiro premio, e Paula Taboada Bravo, que acadou o segundo premio co traballo Regala e comparte vida. Ambas alumnas contaron coa orientación da súa profesora Noemí Díaz Vázquez e proceden do mesmo centro educativo, o IES Eusebio da Guarda da Coruña polo que tanto a docentes como o instituto recibirán sendos agasallos.
ADOS quere amosar o seu agradecemento a todos os estudantes que participaron na presente edición e facer especial mención do compromiso de Supermercado GADIS nesta e en precedentes edicións xa que a sua colaboración fai posible espallar unha conciencia social favorable á doazón e o transplante entre os máis novos e novas.
O presidente da Xunta, Alfonso Rueda, avaliou hoxe a batería de medidas propostas por distintos departamentos autonómicos para garantir o mantemento dos servizos básicos e a atención á cidadanía nos respectivos ámbitos no caso de producirse un apagamento como o rexistrado o luns 28 de abril en todo o Estado. Segundo a análise presentada, a situación vivida nesa xornada puxo de manifesto a urxencia de que o Goberno central impulse a redundancia de operadores de telefonía que dean servizo ao Centro Integrado de Atención ás Emerxencias (CIAE) 112-Galicia para que non dependan dun único operador.
A Xunta de Galicia programa máis de 60 actividades para celebrar as Letras Galegas nas bibliotecas públicas xestionadas polo Goberno galego e expandidas polas catro provincias. Así o destacou hoxe o conselleiro de Cultura, Lingua e Xuventude, José López Campos, que presentou as distintas iniciativas que se van desenvolver nos vindeiros días nestes sete centros e no servizo de bibliotecas móbiles, a través dos cales, puntualizou, 'atopamos a mellor das vías para chegar a todo tipo de público e ofrecerlles propostas variadas co obxectivo de achegarnos ao significado da celebración das Letras e á figura das homenaxeadas este ano, as cantareiras'.
