viernes, 6 de noviembre de 2026
Esta campaña fai especial fincapé nos consellos para identificar a persoas sensibles, e en indicacións como quedar na casa en caso de ter síntomas de infección (febre, síntomas respiratorios, etc.) ou facer desprazamentos de xeito individual sempre que sexa posible.
Outras medidas refírense á distancia de seguridade recomendada (dous metros, que se debe manter en todo momento entre persoal, produtos e clientes), medidas de barreira nas zonas onde se vai atender ao público, e control de aforo (por cita previa, entrada por quendas e horarios de atención preferente para os maiores de 65 anos).
No tocante á limpeza e hixiene, hai unha serie de puntos fundamentais para transmitir a toda a poboación, como son o lavado frecuente de mans, os riscos de tocar nariz, ollos e boca se as mans non están debidamente desinfectadas, usar máscaras hixiénicas ou cirúrxicas no interior dos comercios, e en xeral cubrir as vías respiratorias con panos desbotables ao tusir ou esbirrar.
Falando do persoal dos comercios, é moi importante transmitirlles a importancia de ventilar frecuentemente, protexer axeitadamente os produtos expostos, e limpar e desinfectar a miúdo aqueles elementos que poden estar máis expostos ao contacto, como son mostradores, pomos, probadores, etc. Ademais, deberán procurar organizar de forma óptima o tránsito dos clientes polo establecemento, sinalizando no chan distancias e camiños, reforzar a desinfeccións de probadores no caso de que estean abertos ao público, fomentar os pagos electrónicos e vendas online, e empregar materiais recomendados polas autoridades sanitarias (non o é, por exemplo, o ozono).
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
