viernes, 6 de noviembre de 2026
Deste xeito, Galicia pechou abril de 2020 con 25.403 desempregados máis que hai un ano, o que supón unha suba do 15,28% -case seis puntos menos que o conxunto do Estado-, situándose como a terceira Comunidade que menos acusa os efectos da crise sanitaria do Covid-19. Aínda así, o nivel de desemprego é inferior ao rexistrado hai once anos, xa que en abril de 2009 había 210.662 parados fronte aos 191.629 actuais. O paro sobe en todos os sectores, pero o máis prexudicado é o dos servizos, onde se atopan 8 de cada 10 parados, algo que tamén sucede na evolución mensual e que vén motivado, entre outros factores, pola paralización da actividade na hostalería e o peche de gran parte do comercio.
En canto ás afiliacións, Galicia perde no último ano 35.821 cotizantes (-3,54%), ata situarse nos 974.770 afiliados á Seguridade Social. O ritmo de baixada é menor que no conxunto do Estado (España baixa un -4,01%). Aínda así, mantense a niveis superiores aos de hai oito anos, cando a Comunidade sumaba 943.533 afiliacións.
No que respecta á evolución mensual, Toca indicou que o desemprego aumenta un 9,83% con respecto a marzo sumando un total de 17.148 desempregados máis; mentres que as afiliacións baixan un 2,78% fronte ao 2,88% estatal. Os datos reflicten un cambio de tendencia que se comezou a orixinar en marzo, cando se decretou o estado de alarma.
Recuperación do mercado laboral
Nesta situación, a prioridade da Xunta é traballar en medidas que reactiven a economía co obxectivo de recuperar o mercado laboral galego. Así, estanse a escoitar as propostas dos principais axentes económicos e sociais e do Comité de expertos, baixo o convencemento de que só desde a unidade e o consenso nas iniciativas se pode abordar, canto antes, a reconstrución económica e social.
Neste sentido, na reunión do Comité de expertos de onte xa se marcou o camiño a seguir con medidas como solicitar ao Goberno que desvincule o Erte de forza maior do mantemento actual do estado de alarma, flexibilizar a xornada laboral, introducir bonificacións nas cotas á Seguridade Social e deducións fiscais e establecer protocolos de prevención para a volta á actividade.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
