jueves, 1 de octubre de 2026
Por iso, abordáronse iniciativas centradas no mantemento empresarial, o contexto laboral, a disposición de liquidez ou a aposta por medidas de transición dixital.
O titular de Cultura e Turismo explicou que o Goberno autonómico xa traballa nun plan de reactivación dotado con 25 millóns de euros para o conxunto do seu departamento co obxectivo de priorizar o emprego e o mantemento do tecido empresarial dun sector que resulta estratéxico para a nosa Comunidade. De feito, o turismo representa o 11% do emprego xerado en Galicia e supón máis dun 10% do seu Produto Interior Bruto (PIB).
Nesa liña, referiuse tamén ao plan de seguridade sanitaria avanzado esta semana, que buscará xerar confianza no sector e dar as máximas garantías tanto aos usuarios como aos propios traballadores. Do mesmo xeito, sinalou a importancia de aproveitar o Xacobeo 2021 como un elemento de reactivación económica pola súa especial incidencia no turismo.
Pola súa banda, o conselleiro de Economía, Emprego e Industria, Francisco Conde, trasladou ao Clúster Turismo de Galicia que as empresas deste sector un dos máis afectados pola crise do Covid-19 poden acceder ás liñas de financiamento postas en marcha pola Xunta, como a de préstamos que mobilizará 250 millóns de euros para cubrir gastos esenciais como facturas, salarios ou alugueres. Tamén se adoptaron medidas de suspensión de prazos para a presentación de certos impostos e aprazamento das cotas de amortización e xuros dos préstamos formalizados coa Xunta.
Ademais, lembrou que o Goberno galego ten activadas varias canles para que os autónomos e pemes poidan estar informados e resolver todas as dúbidas que teñan con respecto ás distintas medidas económicas postas en marcha como o teléfono gratuíto da Liña Empresas (900 815 600), a web https://ceei.xunta.gal/coronavirus, ou a aplicación para móbiles Gohu.
A sexta edición de 6coreógrafas acollerá dúas estreas: Trés bien, de Marta Alonso Tejada, un dúo de danza contemporánea de rúa interpretado por María de Vicente e Inés Santos que explora o esforzo de sosterse e permanecer xuntas, e BenQuererme, un solo de de Fran Sieira, que combina danza tradicional e contemporánea para reflexionar sobre o autocoidado emocional e o amor propio. A programación completarase con Suit(e), de Furia Sotelo, un diálogo entre a danza de Nuria Sotelo e o violonchelo de Millán Abeledo, e Bipedestrucción, da compañía navarro-galega Disiden.cia, unha peza de rúa para todos os públicos que aborda desde o humor a identidade, a diversidade e a importancia da comunidade.
O presidente da Xunta, Alfonso Rueda, informou de que o Goberno autonómico vén de autorizar na reunión desta mañá o envío ao Consello Consultivo de Galicia do decreto polo que se crea o Rexistro de autorizacións e concesións no dominio público marítimo-terrestre (DPMT). 'Isto vai situar Galicia á vangarda en transparencia e xestión do litoral', indicou. 'Imos habilitar un sistema para que a cidadanía poida coñecer en todo momento os usos e autorizacións vixentes na costa galega', salientou o presidente sobre un Rexistro, concibido para incorporar progresivamente as autorizacións e concesións no DPMT e que permitirá sistematizar e ampliar a información dispoñible sobre as actividades autorizadas, o que resulta fundamental para avanzar na planificación, protección e xestión integrada da costa galega así como reforzar a seguridade xurídica das actividades e proxectos.
