domingo, 31 de mayo de 2026
Estas iniciativas poderán solicitar o anticipo do 100% da axuda concedida. E, segundo os proxectos, haberá dous tipos de axudas: financiamento do 100% destes proxectos de innovación, cando a empresa beneficiaria cumpra o requisito de que as axudas que reciban polo concepto de minimis non superen os 200.000 euros, durante un período de tres exercicios fiscais (os dous anteriores e o actual). E unha segunda axuda para o resto de compañías, que obterán ata o 50% do custo do proxecto.
Cómpre salientar que, en total, a Administración autonómica destinará 500.000 euros.
Axudas para a reorganización produtiva urxente das pemes
Neste mesmo sentido, o Consello tamén aprobou hoxe un novo programa dotado con 2,5 millóns de euros para impulsar a reorganización produtiva urxente das empresas galegas para facer fronte á emerxencia sanitaria.
Sobre este punto, Feijóo subliñou que, neste momento, xa hai empresas que entregaron: 30.000 pantallas de protección facial de Arlit Diseño e Impresión; 250.000 mandís protectores de Maniber; 12.000 batas do proxecto que coordina o Clúster Téxtil (Cointega); 20.000 batas impermeables de Gocotex e Ithaka/Xallas; EPIs recollidos por Ceaga; mascarillas FPP2 de Gabadi; ou respiradores de Bendix-Cinfo.
En definitiva, as empresas galegas están traballando en téxtiles sanitarios, en kits, en consumibles de diagnose e en elementos para desinfección, e se está a crear unha economía produtiva desde o punto de vista social e tamén cun interese económico e de creación de emprego, concluíu o presidente da Xunta.
A Rede de detección de raios de MeteoGalicia contabilizou no que vai de ano un total de 12.825 raios, o que supón o 80% de todos os rexistrados durante o pasado 2025. O 42% dos raios rexistrados este ano -5.371- caeron a pasada fin de semana. En concreto, entre o venres 22 e o luns 25 de maio e, ademais, ese venres e o domingo 24 foron as xornadas con máis raios de todo o ano. O que aconteceu a semana pasada é que se deron as circunstancias perfectas para que se produciran esas treboadas: aire moi cálido en superficie procedente do norte de África -como quedou demostrado pola presenza de partículas de polvo sahariano en suspensión- e frío en altura nas capas medidas e altas da atmosfera.
Galicia, once comunidades autónomas -Andalucía, Cantabria, A Rioxa, Rexión de Murcia, a Comunidade Valenciana, Aragón, Canarias, Estremadura, Illas Baleares, Madrid e Castela e León- e as cidades autónomas de Ceuta e Melilla veñen de enviar unha carta á comisaria europea de Medio Ambiente, Resiliencia Hídrica e Economía Circular Competitiva, Jessika Roswall, na que defenden o rigor técnico da súa xestión do lobo e denuncian a actitude arbitraria do Goberno central nesta materia, que pretende declarar o estado de conservación desta especie como desfavorable cando os datos científicos indican que é favorable.
