Noticias

Activada unha nova liña de financiamento dirixida a inxectar liquidez inmediata a pemes e autónomos polo COVID-19

A Xunta activa, mediante a publicación hoxe no Diario Oficial de Galicia (DOG), a nova liña de financiamento destinada a inxectar liquidez a pemes e autónomos para que poidan facer fronte ás consecuencias provocadas pola situación de emerxencia sanitaria na súa actividade empresarial. A partir de mañá, as empresas e o colectivo autónomo galegos poderán solicitar os apoios que ofrece para atender as necesidades máis inmediatas, como o pago de salarios, facturas, alugueiros ou impostos. Cunha dotación de 30 millóns de euros, a nova liña permitirá a mobilización de 250 millóns de euros en préstamos entre o tecido empresarial galego, que contribuirán a paliar os efectos do coronavirus no tecido empresarial galego.

En concreto, a nova liña avalará entre 3000 e 200.000 euros de importe por cada negocio e os beneficiarios disporán de prazos de amortización de ata catro anos con un de carencia, cun máximo dun 1,50 por cento de xuros, que serán bonificados ao cento por cento pola Xunta, facéndose cargo deles.

Este programa instruméntase a través dun convenio de colaboración da Xunta de Galicia no que participan as sociedades de garantía recíproca (SGR) Afigal e Sogarpo. Con este acordo, o Igape reavala a cobertura das SGR nun 25%, polo que o límite da garantía conxunta sumada á que ofrece o Estado a través do Cersa acada o 80% das operacións acometidas.

A nova liña súmase ao resto de medidas activadas polo Goberno galego no eido industrial e de innovación para mitigar os impactos provocados por esta pandemia e cuxa información está dispoñible na páxina web da Consellería de Economía, Emprego e Industria: https://ceei.xunta.gal/coronavirus/axudas-economicas.

R., 2020-04-01

Actualidad

O novo Cesga incorporará un segundo computador cuántico enfocado a formación e simulacións

Foto del resto de noticias (tecnoloxia-cuantica.jpg)

Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.

Galicia exixe o rescate da AP-9 e asina cos gobernos de Asturias e Castela e León e o tecido empresarial das tres comunidades a Declaración 'Compostela'

Foto de la tercera plana (autopista-ap9.jpg)

A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.

Notas

A cidade de Lugo prepárase para ser un dos grandes centros de observación en Europa da eclipse total de Sol do 12 de agosto

O próximo 12 de agosto a Península Ibérica vivirá un dos eventos astronómicos máis importantes do século: unha eclipse total de Sol. Pola súa posición xeográfica, a súa climatoloxía e a súa contorna histórica-monumental, a cidade de Lugo foi sinalada como un dos mellores destinos de toda Europa para contemplar este fenómeno na súa máxima plenitude.

O congreso de referencia peninsular en cerámica antiga reúne en Ourense a 80 especialistas

A VIII edición do congreso da Sociedad de Estudios de Cerámica Antigua en Hispania (SECAH) está estes días celebrándose no campus de Ourense, cunha visita tamén a Lugo. A cita reúne a 80 especialistas de España e Portugal e conta cun programa formado por 50 relatorios e 35 pósters nos que se abordan as últimas novidades e proxectos neste eido de investigación.