viernes, 26 de abril de 2024
Ademais dos centros asistenciais están a desinfectar outras áreas do rural especialmente concorridas, como beirarrúas ou zonas establecidas para a recollida do lixo.
Para executar estes traballos, os efectivos contan coa debida formación e con todo o material de protección necesario, así como cos protocolos de actuación pertinentes, seguindo en todo momento as recomendacións sanitarias. Tamén dispoñen da maquinaria e os produtos precisos para efectuar as desinfeccións. Ademais de desinfectar, están a establecer contacto cos profesionais das residencias para reforzar os seus protocolos de prevención.
A maiores, estes profesionais tamén se están a encargar de vixiar as zonas de esparexemento no rural para garantir o confinamento e colaborar nas comunicacións de posibles condutas irregulares a través da rede de emisoristas do propio Servizo de prevención e defensa contra incendios forestais (SPDCIF) de Galicia.
Os axentes ambientais e bombeiros forestais que participan na iniciativa fano de xeito totalmente voluntario durante as súas quendas de traballo. Estas funcións adicionais non impiden que quede garantida en todo momento a súa función principal e primordial, que é a de prevención e extinción dos incendios forestais que se poidan rexistrar.
Apoio ás persoas maiores e discapacitadas
Asemade, a Consellería de Medio Ambiente, Territorio e Vivenda presentou un informe ao Consello da Xunta con medidas medidas impulsadas para paliar a crise provocada polo coronavirus (COVID-19), co fin de facilitar que preto de 150 efectivos medioambientais se sumen voluntariamente a un programa para realizar tarefas que garantan os servizos básicos ás persoas maiores que viven no rural galego.
A realización dos traballos voluntarios a desenvolver quedará supeditada á realización dalgún servizo esencial que lle poida ser encomendado en coordinación cos servizos sociais dos concellos, como a vixilancia e o seguimento visual e telefónico das persoas maiores ou con discapacidade que viven soas en zonas rurais despoboadas ou pouco accesibles. Trátase de manter un seguimento de carácter social das persoas maiores ou discapacitadas que viven illadas, co fin de atender a posibles necesidades ou a cambios nos estados de saúde, tanto física como mental.
Tamén poderán levar a cabo actuacións de vixilancia dos camiños rurais e espazos naturais, fundamentalmente, incluídos en Rede Natura, para facer cumprir as medidas de confinamento decretadas polo estado de alarma. Nos casos de observarse incumprimentos, realizarán a correspondente denuncia.
A Formación Profesional galega contará a partir do vindeiro curso co dobre de inglés do marcado como mínimo na normativa básica estatal e permitirá ao alumnado realizar ata 700 horas de formación práctica, ata un 82% máis que ata o momento. Todo isto mantendo o peso da formación no centro educativo, cuxo profesorado é o piar fundamental do éxito acadado polo sistema galego de FP nos últimos anos. O modelo de FP de éxito tense adiantado e implementado moitos dos cambios que agora o Ministerio toma como sistema a imitar en toda España. Polo tanto a aplicación da nova lei vai ser flexible, de tal forma que en Galicia se manteña a excelencia e se incorporen as novidades.
Foi presentado o evento The Way Startup Summit 2024, que un ano máis convertirá a Vigo no maior foro de emprendemento, innovación e investimento no Noroeste de España e cita de referencia a nivel nacional. O programa de They Way contempla tres grandes escenarios ao redor da innovación, o emprendemento e o investimento, así como a organización de espazos de networking entre os asistentes, co obxectivo de que establezan contactos, intercambien coñecementos e propíciense sinerxias entre eles. The Way desenvolverase os días 9 e 10 de maio abordando temas como os retos de futuro das FinTech, da mobilidade, da alimentación, do retail, do turismo, do deporte ou do téxtil, entre outras áreas.
