martes, 7 de mayo de 2024
En todo caso, matizou que os contribuíntes que así o desexen poden presentar as autoliquidacións de xeito telemático a través da oficina virtual da Axencia Tributaria.
Non obstante, a suspensión de prazos non afecta ao resto dos impostos autonómicos relacionados co impacto ambiental como o canon eólico, o imposto sobre as augas encoradas ou o imposto sobre contaminación atmosférica dado que estes temas proseguen. Iso si, páganse de acordo coas emisións. Loxicamente, se baixan as emisións pagarán menos, matizou.
Plan específico para dotar de liquidez á tesourería da Comunidade
Ademais de aprobar esta suspensión dos prazos para autoliquidar os principais impostos que xestiona Galicia, Feijóo reiterou a posta en marcha dun plan específico para mellorar a liquidez da tesourería da Comunidade Autónoma, co fin de compensar o descenso da recadación como consecuencia do aprazamento destes impostos autonómicos; e axilizar os pagamentos de facturas a todos os provedores que traballan coa Administración galega, clave para os autónomos e as pemes.
Hai case 5.000 provedores da Xunta de Galicia e teñen que ter a seguridade de que a Xunta vai pagar coa maior rapidez posible, engadiu.
Para garantir todo isto, a Tesourería da Comunidade acaba de dispoñer de 1.800 millóns de euros adicionais aos que xa vén dispoñendo mensualmente como consecuencia da recadación dos impostos da renda e do IVE. Con esta cantidade adicional, o Goberno galego afrontará os pagamentos ordinarios, como as nóminas dos empregados públicos ou as cotizacións á Seguridade Social; o pagamento ás farmacias; axilizar o pagamento das facturas aos provedores da Xunta; e afrontar gastos extraordinarios, como os que se están a afrontar no ámbito dos servizos sociais e da sanidade.
Así pois, o Goberno galego contará cunha potencia de liquidez superior a un período normal de actividade.
Feijóo aseverou que con este plan de liquidez, o obxectivo da Xunta é pechar o mes de marzo cun tempo medio de pago de facturas nun máximo de 15 días, mantendo así a Galicia entre as comunidades autónomas con menor tempo para o pagamento de facturas.
En concreto, o número de provedores actual da Administración autonómica oscila entre os 4.478 e os 4.642, dos que: máis de 2.300 son pemes; 953 autónomos; 611 sociedades anónimas; e 232 entidades sociais sen ánimo de lucro, maioritariamente do ámbito da discapacidade e das persoas maiores. Ademais, a través dos catro colexios farmacéuticos provincias canalízase o pago a máis de 1.300 oficinas de farmacia.
O presidente da Xunta, Alfonso Rueda, destacou que o Consello aprobou hoxe a Estratexia galega de Mobilidade, a folla de ruta a seguir ata 2050 para 'garantir uns desprazamentos máis sostibles, seguros e funcionais' que estará dotada de 420 millóns de euros para implantar 'un centenar de medidas'. A estratexia contén un plan de acción que implica as diferentes administracións públicas, a autonómica, a estatal e a local, para facilitar os desprazamentos das persoas e mercadorías, apoiar a competitividade do territorio e transformar os patróns de mobilidade. Preséntase como un instrumento para deseñar solucións que permitan transformar o actual modelo nun máis funcional, sustentable e seguro.
O presidente da Xunta, Alfonso Rueda, salientou hoxe que o Goberno galego xa adxudicou 985M de fondos do Mecanismo de recuperación e resiliencia (MRR) desde a posta en marcha do plan de recuperación. Así, o Executivo autonómico autorizou a publicación de convocatorias por importe de 1.097M e adxudicou o 90%, o que supón 'un grado de execución moi razoable', tal e como sinalou o titular da Administración. Segundo o informe analizado hoxe na reunión do Consello, na actualidade, a suma dos recursos do MRR asignados polo Goberno central á Administración galega ascenden a 1.545 M, o 5,8 % do distribuído entre as comunidades autónomas, o que supón menos recursos dos que corresponderían á comunidade por PIB per cápita.
