domingo, 8 de noviembre de 2026
Con esta iniciativa, a Xunta pon especial énfase na necesidade de innovar en servizos e produtos, e de poñer a I+D+i ao servizo de sociedade.
Non hai prioridades temáticas predefinidas, só se require que sexan solucións innovadoras que se poidan implementar de xeito inmediato e que axuden a resolver os retos que plantexa a pandemia do COVID-19. Os solicitantes deben achegar as súas solucións ata este venres 27 de marzo a través do formulario habilitado ao efecto na páxina web de Gain. Unha vez recibidas as propostas ás que se poden presentar todos os axentes do sistema galego de I+D+i, a Axencia Galega de Innovación realizará unha selección para identificar solucións de interese. Estas solucións deberán ser validadas por parte dos responsables da política de saúde, dada a imposibilidade de homologación de determinados produtos en tan curto prazo de tempo. Unha vez identificadas as necesidades de apoio dos proxectos seleccionados, a Xunta disporá os fondos que sexan necesarios para a súa execución.
Así mesmo, na mesma sección da web, Gain irá centralizando toda a información relativa á I+D+i fronte ao coronavirus, desde a súa incidencia nos procedementos administrativos, unha serie de preguntas e respostas frecuentes, os datos de contacto dos servizos da Axencia, así como enlaces a medidas de apoio do Ministerio de Ciencia e Innovación e da Comisión Europea neste ámbito.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
