jueves, 13 de agosto de 2026
O proxecto divulgativo Mar interior: un océano de oportunidades no corazón de Galicia, posto en marcha a través dunha colaboración entre a institución provincial e o Centro Oceanográfico de Vigo, arrincará o vindeiro 17 de febreiro, ás 20:00 horas, no Pazo de San Marcos coa charla A ameaza dos plásticos para o medio mariño, a cargo de Jesús Gago. Este proxecto inclúe ata o 22 de febreiro a exposición do proxecto Oceánicas, na sala de exposicións da Deputación, e diferentes obradoiros gratuítos destinados principalmente a escolares de Educación Primaria e ESO, aínda que tamén poderán asistir, a estes mesmas actividades en horario de tarde, todas as persoas interesadas.
Nos obradoiros en xornada de mañá, participarán preto de 800 alumnos e alumnas de 20 centros educativos, para os que a Deputación financia o transporte dos escolares ata o Pazo de San Marcos. Este proxecto trasladarase á Casa da Cultura Poeta Lois Pereiro de Monforte de Lemos do 23 ao 29 de marzo.
As actividades dirixidas a escolares de ESO baixo o nome, Pescando a ciencia, incluirá tres obradoiros no que coñecerán a metodoloxía para diferenciar especies; sesións prácticas e talleres de oceanografía e lixos mariños.
Os participantes de Educación Primaria na actividade Viaxe ao Centro do Oceanográfico poderán recoller mostras de microalgas ou flores de cromatografía; aprenderán como a ciencia obtén peces sans, saudables e de maneira sostible e ademais poderán concienciarse en como o estudo e a protección dos ecosistemas profundos mellora a sostibilidade das pesquerías de alta mar.
Ao longo da semana en horario de tarde tamén haberá un taller máis, Oceanoteca, dirixido a achegar a vida mariña aos máis pequenos a través de actividades lúdicas.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
