viernes, 5 de junio de 2026
A denominada como Axenda Galicia aprobouse no mes de outubro, co obxectivo de ser tratada a maior brevidade posible co goberno que saíse das urnas tras as eleccións de novembro. Os asuntos que se inclúen nesta listaxe tamén foron xa trasladados nas cartas que o Presidente da Xunta enviou a cada un dos novos ministros e ministras.
Os temas da Axenda Galicia distribúense en cinco bloques principais: un financiamento xusto, impulso ás infraestruturas pendentes, apoio aos sectores produtivos, mellora dos servizos públicos, e colaboración cultural.
No primeiro bloque, relativo ao financiamento, unha das prioridades é que o Estado ingrese os 370 millóns que debe a Galicia: 200 millóns correspondentes ao IVE e 170 millóns de compensacións ás comunidades cumpridoras cos obxectivos de sostibilidade financeira. Para tratar este asunto, é tamén fundamental a convocatoria do Consello de Política Fiscal e Financeira, que leva máis de 17 meses sen reunirse. Neste eixo de financiamento, tamén se inclúen outras necesidades como un novo modelo de financiamento autonómico ou unha Estratexia nacional fronte ao reto demográfico.
Dar un impulso ás infraestruturas pendentes é tamén un dos obxectivos da Xunta. Por iso, reclamarase de novo a transferencia da AP-9 como a mellor vía para prestar un servizo eficaz e de calidade en beneficio de todos os galegos e galegas. Mentres non se produce o traspaso, a Xunta xa ten trasladado ao Goberno central unha proposta para paliar o impacto das peaxes.
No ámbito das infraestruturas, a chegada do AVE a Galicia é unha das máximas prioridades, tendo en conta os anos de atraso e a súa importancia de cara ao Xacobeo 2021. De aí que a Xunta reclame claridade e certeza nos prazos.
O terceiro bloque, o apoio aos sectores produtivos, é chave para moitas familias galegas. Neste eido englóbanse demandas como o Estatuto para os consumidores electrointensivos que permita rebaixar os prezos da enerxía a estas industrias; unha transición ordenada no ámbito enerxético, que dea solución ás familias que dependen da central das Pontes; ou carga de traballo para Navantia.
A Xunta tamén fará fincapé nas súas negociacións co Goberno central en mellorar os servizos públicos en aspectos tan básicos como a sanidade, para tomar medidas ante a escaseza de profesionais en determinadas especialidades; ou na dependencia, para que a achega entre o Goberno autonómico e central sexa equitativa.
Por último, o quinto bloque abordará a colaboración cultural. O Xacobeo 2021 é un fito de gran relevancia, para o que se solicita tamén a colaboración do Goberno central; así como tamén se pedirá o seu apoio ás candidaturas a Patrimonio Mundial: Ribeira Sacra, Cíes-Illas Atlánticas e Ferrol da Ilustración.
Transferencias
Xa para rematar, o vicepresidente da Xunta lembrou que estes asuntos urxentes súmanse a outros temas pendentes entre o Goberno autonómico e o central en materia de traspaso de competencias. Ao respecto, lembrou as 16 competencias que a Xunta ten formulado nos últimos anos e que están pendentes de resposta. Entre elas, atópanse o propio traspaso da AP-9, a ordenación do litoral e xestión do dominio público marítimo-terrestre ou a ordenación do sector pesqueiro.
Grandes expertos en viaxes en longa distancia, os habitantes do Pacífico levaron vidas cosmopolitas moito antes de que os europeos chegasen á rexión. Son considerados ademais uns artistas excepcionais que crean fermosos obxectos para a súa vida cotiá con elementos naturais como pedra, madeira, fibras ou cunchas. Abanos, anzois, tecidos, armas, canoas... cada obxecto está belamente traballado, con decoracións impregnadas dun significado espiritual e profundo: a arte forma parte de todos os aspectos da vida. Voces do Pacífico estrutúrase así en sete ámbitos temáticos que se achegan a diferentes aspectos da arte e as tradicións de Oceanía e que inclúen o tecido, a danza, a talla ou as tecnoloxías de navegación.
Foi presentado o Wake Up! SdC, que se celebra os días 5 e 6 de xuño en Santiago de Compostela. Tras catro edicións de gran formato celebradas na Coruña, o Wake Up! inicia unha nova etapa na capital de Galicia, coa Cidade da Cultura de Galicia como escenario, consolidándose como unha referencia dentro do circuíto estatal de música electrónica. O cartel ofrece algunhas das figuras máis recoñecidas da escena internacional e nacional, cun cartel encabezado por artistas de referencia como Ben Klock, Joris Voorn, Fatima Hajji, Ben Sims, Lee Ann Roberts ou Vendex, xunto a outros nomes destacados do panorama actual como Alarico, Future.666, The Lady Machine, Blasha & Allatt, Dax J ou Pawlowski.
