sábado, 19 de septiembre de 2026
Isto débese a que a hora oficial está baseada no chamado Sol medio e non no Sol verdadeiro. Na noite do 3 ao 4 de xaneiro vaise producir o máximo da choiva de estrelas Cuadrántidas (con radiante preto da Osa Maior) e o día 5 pasará a Terra polo perihelio, mínima distancia ao Sol (147 millóns de km..
Como explica o profesor Docobo, Mercurio vai estar en boas condicións de poder ser observado a simple vista logo do solpor ata comezos de xaneiro, pasando logo ao amencer. Durante toda a nova estación, Venus será o luceiro vespertino. Marte e Xúpiter estarán no amencer e Saturno ata mediados de xaneiro seguirase vendo no final da tarde. Haberá así mesmo algunhas conxuncións interesantes, como aquela da Lúa con Venus no solpor do 28 de decembro ou a de Marte con Xúpiter no amencer do último día do inverno. Son tamén dignas de mención as aliñacións de Marte, Xúpiter, Saturno e a Lúa entre o 17 e o 21 de febreiro así como entre o 16 e o 20 de marzo.
En canto ás eclipses, o director do Observatorio Universitario lembra que o vindeiro día 26 terá lugar unha anelar de Sol visible no leste de África, Océano Índico, Asia e Oceanía, pero non en España. O que si teoricamente podería verse é unha eclipse penumbral de Lúa o dia 10 de xaneiro. Como explica José Ángel Docobo, esta clase de eclipses non son doados de apreciar xa que logo o noso satélite segue a verse enteiro aínda que menos brillante.
Meteoroloxía
Meteoroloxicamente falando, o outono que agora remata foi extremadamente chuvioso na área de Compostela aínda que en cantidade menor ca do ano 2000. Daquela, entre o 22 de setembro e o 21 de decembro medíronse un total de 1.315,5 litros/m2 na estación meteorolóxica do Observatorio Astronómico Ramón María Aller repartidas coa seguinte proporción: últimos días de setembro (65,6), outubro (205,2), novembro (530) e decembro (514,7 litros ata o dia 21).
No presente outono, o director do Observatorio sinala que levamos recollidos 978,4 litros/m2 ata o mediodía do dia 20, co seguinte reparto: últimos días de setembro: 42,8 litros; outubro: 256,9; novembro: 431,9; e decembro, ata o dia 20: 246,8.
Aínda que neste ano falta por computar a choiva dos dous últimos días do outono, non é previsible chegar ao récord do outono do derradeiro ano do pasado século (ano 2000). Porén compre salientar que no de 2019 choveu en mais días: 72 (+4 inapreciable) polos 69 (+3) de hai dezanove anos. Por outra banda, no presente outono ten chovido máis que no verán, primavera e inverno de 2019 xuntos e que en novembro rexistráronse precipitacións todos os días do mes.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
