viernes, 25 de septiembre de 2026
Se no 2009 o 35% das persoas socias eran mulleres, o pasado ano esta porcentaxe aumentaba ata o 41%, moi preto dese equilibrio tan xusto e necesario do 50%, segundo datos recollidos no Libro Branco da Economía Social en Galicia.
A nivel global, na comunidade, as sociedades laborais xeran case 2600 postos de traballo, 2597 exactamente, tal e como indica o citado estudo. Un modelo empresarial que cobra especial forza no sector servizos, ao que pertencen case o 78% destas empresas, e que nos últimos tempos está a gañar terreo no sector agrario, o que pon de manifesto a importancia de optar por modelos de emprendemento de corte social no eido rural.
En Galicia, o conxunto de empresas amparadas baixo esta fórmula facturan uns 360 millóns de euros ao ano, segundo datos da Xunta de Galicia.
O calendario de Programación Kármica arranca este 25 de setembro con Taïn na Sala Guión de Pontedeume. A seguinte cita será o 16 de outubro, con Camellos e Cora Yako en La Conservera de Viveiro, mentres que o 24 de outubro actuarán Javier Lago e Santi Araújo na Pousada da Galiza Imaxinaria de Boiro. O ciclo chegará precisamente á sala que acolle hoxe a súa presentación, A Cofradía de Vilanova de Arousa, o 27 de novembro, coas actuacións de Montedapena e Nuntia. O programa de 2026 pecharase o 26 de decembro na Pousada da Galiza Imaxinaria con Portosanto e Hermanos Visi.
O Instituto Nacional de Estatística (INE) publicou este martes os datos da enquisa de ocupación hoteleira na comunidade galega, que revelan que os hoteis e pensións galegas ingresaron nos oito primeiros meses do ano 334,7 millóns de euros, que revelan un incremento do 6,6% con respecto ao mesmo período do pasado ano. A rendibilidade hoteleira medra nos oito primeiros meses do ano o 7,5%. Só no mes de agosto, o sector tivo uns ingresos de 92,4 millóns de euros que se traducen nunha suba do 8,8% con respecto ao mesmo mes do ano pasado. Por primeira vez supérase a barreira dos 90 millóns de euros de ingresos no mes de agosto rexistrando un máximo histórico.
