viernes, 6 de noviembre de 2026
A primeira fase ten tres liñas de traballo fundamentais:
- Sensibilización: A Consellería de Economía, Emprego e Industria xa comezou o labor de sensibilización e divulgación, mediante xornadas e a análise de casos de éxito.
- Axudas para a ecoinnovación: Estas axudas procuran impulso á economía circular e á sustentabilidade no comercio por medio da plataforma Tícket Dixital (permite a comercios e clientes coñecer o estado e garantía das súas vendas ou compras, evitando a perda ou deterioro do tícket tradicional e minimizando o uso do papel), a promoción de ecoenvases feitos con materiais 100% biodegradables, e os proxectos de economía circular que promovan a reciclaxe e os produtos ecolóxicos.
- Laboratorios comerciais: As sete principais cidades galegas acollerán cadanseu laboratorio comercial, que impulsará o Comercio 360 e tamén informará sobre el, mediante servizos personalizados de mentoring, comunicación e publicidade, marketing intelligence ou mellora da xestión.
Comercio 360 está destinado a pemes con menos de 10 traballadores, e ten tres obxectivos fundamentais: lograr que 10.000 comercios galegos se sumen a esta estratexia, que máis de 1.000 comercios se beneficien dos servizos de asesoramento e que 5.000 comercios incorporen na súa xestión a s e o uso do tícket dixital.
Por outra banda, cómpre destacar que esta iniciativa está enmarcada dentro da estratexia da Xunta de Galicia de impulso á competitividade do comercio de proximidade, ofrecéndolle unha folla de ruta que nos leve a un comercio máis diverso, moderno e adaptado ás novas realidades. Mellorando tanto a imaxe física como a dixital, o comercio galego vai dinamizar os centros urbanos das cidades e vilas galegas para facelos máis atractivos aos cidadáns, turistas e visitantes.
O Plan Estratéxico de Impulso ao Comercio 2015-2020
O proxecto Comercio 360 substitúe a SmartCommerce, que dentro do Plan de Impulso ao Comercio Interior de Galicia 2015-2020 centraba as súas accións no ámbito dixital. Pola contra, Comercio 360 ofrece un abano moito máis amplo, e se ben non esquece o dixital, inclúe outros aspectos fundamentais como a aposta polo produto local, a sustentabilidade, a creación de marca vinculada ao territorio e un concepto máis amplo do comerciante galego, que inclúe aspectos como o deseño e a fabricación de produto propio.
Este O Plan Estratéxico de Impulso ao Comercio 2015-2020, procura a modernización do sector comercial galego a través de diversas accións, para as que no ano 2018 se dispuxo unha liña de axudas que se concretaron en 487 apoios cun montante total de 2,37 millóns, o que supón a mobilización final de investimentos por máis de 4,7 millóns.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
