miércoles, 29 de abril de 2026
O presidente da Xunta, Alberto Núñez Feijóo, aseverou hoxe que coa aprobación da Estratexia de Cambio Climático e Enerxía 2050, Galicia convértese nunha das comunidades de España pioneiras en contar cunha folla de ruta para loitar contra o cambio climático, coa vontade, precisou, de facer desta unha causa de todos.
Temos que cambiar nós e non o clima, dixo, asegurando que, neste obxectivo de acadar a neutralidade climática en 2050, conforme ás directrices europeas, é imprescindible o papel de varios axentes, entre os que destacou: a comunidade investigadora, fundamental para deseñar solucións de cara á unha transición gradual e xusta; a sociedade, apostando pola sensibilización, a formación e a educación; e os concellos, fomentando a adhesión a iniciativas como o Pacto dos alcaldes para o clima e a enerxía, que suma xa máis de 150 municipios.
Sobre este punto, Feijóo destacou tamén que, se ben, os concellos son os responsables da xestión dos residuos, desde o Executivo autonómico puxéronse en marcha varias liñas de axuda ás entidades locais, por valor de 3 millóns de euros, para mellorar a xestión dos residuos domésticos. E, para a mellora da xestión dos residuos urbanos, xa se teñen reservado 8,3 millóns nos orzamentos do vindeiro ano.
Así mesmo, referiuse ao papel fundamental das empresas para facer un cambio gradual e para aproveitar as oportunidades xeradas por un modelo máis sustentable.
Para acadar estes fins e implicar a todos os axentes, o titular da Xunta confirmou a posta en marcha de medidas como: as axudas ao sector residencial para mellorar a eficiencia enerxética, cunha dedución verde no IRPF, o próximo ano, que permitirá bonificar ata o 15% das actuacións en vivendas neste eido, como cambios de fiestras ou melloras de tellados e fachadas. Melloras nos plans de prevención e actuación ante eventos extremos para reducir a vulnerabilidade da poboación; desenvolvemento da estratexia de biomasa térmica; ou o fomento dos equipamentos en réxime asociativo no sector primario.
Cómpre resaltar que esta estratexia completarase coa Estratexia galega de Economía Circular. E, de cara a 2020, coa previsión de aprobar a Lei de residuos e solos contaminados, ademais da elaboración da Axenda 2030 de Galicia, un plan de acción a favor das persoas, do planeta e da prosperidade con 17 obxectivos de desenvolvemento sustentable.
A nosa vocación é que as xeracións futuras poidan gozar dunha Galicia máis verde, dixo, subliñando que o sector primario e o medio natural de Galicia son grandes aliados para contribuír a paliar o cambio climático.
Feijóo precisou que estas liñas de acción e medidas específicas concentraranse no Plan rexional integrado de enerxía e clima, que se redefinirá e actualizará cada 5 anos. Ao respecto, lembrou que o primeiro, para o período 2019-2023, xa está en marcha con 170 iniciativas e cun investimento asociado e máis de 1.250 millóns de euros.
En definitiva, camiñamos cara á neutralidade climática actuando sobre a redución de emisións de gases de efecto invernadoiro, a través dun modelo baseado nas enerxías limpas, na mellor da eficiencia enerxética en todos os sectores e en acadar sistemas produtivos máis responsables; e potenciando a capacidade de absorción de carbono, a través da adecuada xestión de masas forestais, dos usos do solo e da conservación dos ecosistemas, abundou.
O presidente da Xunta concluíu facendo fincapé en que a Comunidade aposta por unha labor constante e seria que sume vontades, que sume aliados e que non xere incerteza entre os cidadáns. E ímolo facer de forma decidida, porque asumimos que o cambio climático é unha loita de todos, que afecta a todos; e de forma responsable, porque somos un Goberno que quere que cada vez máis xente se una a esta causa, recalcou.
Non en van, desde 1990 a 2016 o peso das emisións de Galicia sobre o total de España pasou do 10,2% ao 8,6%. Somos a terceira comunidade que máis está a reducir as súas emisións respecto a 1990; apoiamos á industria forestal; puxemos punto e final a todos os vertedoiros e incrementamos un 21% a rede de puntos limpos; aspiramos a acadar a vertedura técnica 0 no ano 2020 en Sogama, 15 anos antes dos que marca a UE; apostamos por medidas importantes para a xestión da auga e seguiremos adecuando as infraestruturas de abastecemento e saneamento nas que xa investimos nesta década 1.100 millóns de euros; e proporemos a concellos e deputacións a administración conxunta de todos os abastecementos e saneamentos de auga de Galicia, recordou.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
