viernes, 13 de noviembre de 2026
O pasado luns comezou en Lugo a XLI Semana de Cine, que organiza Fonmiña, co apoio do Concello de Lugo, Deputación Provincial, Xunta de Galicia e Universidade de Compostela-Campus de Lugo.
Rendeuse homenaxe ao actor lucense ANTONIO MOURELOS, publicándose un libro de Manuel Curiel, Director da Semana de Cine, na súa honra, que foi presentado no Auditorio Gustavo Freire por Maite Ferreiro, Concelleira de Cultura, o xornalista Antón Grande, o autor, Manuel Curiel, e o Presidente de Fonmiñá, Xulio Xiz. Este libro será distribuido gratuitamente entre os asistentes ás proxeccións no Auditorio.
De seguido, descubríronse as duas primeiras placas do que vai ser o Paseo do Cine en Lugo, a vía central da antiga factoría Frigsa, que vai desde a Avenida de A Coruña cara ao Auditorio. A primeira foi a de ANTONIO MOURELOS, descuberta polo actor, e logo a Concelleira de Cultura, descubriu a de PRUDENCIA GRIFELL, a gran señora do cine mexicano, nacida en Lugo, homenaxeada en 2004, ano no que se colocou unha placa na casa da Rúanova onde naceu.
Antonio Mourelos saudou aos asistentes á sesión das 20,30 no auditorio municipal, e participo na inauguración oficial da Semana, na que recibiu o agasallo oficial da homenaxe recibida.
O 68,7 % da poboación galega de 16 a 74 anos dispón de competencias dixitais básicas ou avanzadas, fronte ao 61,4 % de 2025, o que supón un incremento relativo do 11,9 %. O 42,6 % da poboación galega de 16 a 74 anos ten competencias dixitais avanzadas, cinco puntos porcentuais máis ca en 2025, e o 26,1 % ten competencias básicas. Son datos publicados hoxe polo INE no informe sobre equipamento e uso das TIC nos fogares, analizados polo Observatorio da Sociedade da Información da Axencia para a Modernización Tecnolóxica de Galicia (Amtega).
Foi presentada na Cidade da Cultura a iniciativa 'Circo no Camiño', que celebrará entre o 12 de novembro e o 6 de decembro a súa primeira edición, na que contará con artistas nacionais e internacionais. A proposta Circo no Camiño quere achegar as artes escénicas a diferentes localidades galegas relacionadas co Camiño de Santiago. Para isto avanza unha programación variada de espectáculos de circo, maxia, música, acrobacias, humor e animación de rúa dirixidos a todos os públicos, que se desenvolverán tanto nunha gran carpa como nas rúas.En concreto, a programación desenvolverase en catro localidades galegas: Verín, Lalín, A Estrada e Santiago de Compostela, onde se pechará a programación, entre os días 3 e o 6 de decembro.
