lunes, 7 de julio de 2025
Nos festivais musicais galegos pódense atopar casetas informativas, onde se ofrece todo tipo de material, como por exemplo o Décalogo contra la violencia sexual: diez cosas que tienes que saber, que aparece ademais na app para dispositivos móbiles de Agresión OFF, que entrou en funcionamento no mes de agosto de 2018. Este decálogo contén os seguintes puntos:
- As agresións sexuais son un delito recolleito no Código penal.
- Nada xustifica unha agresión: nin a forma de vestir, nin a exhibición do corpo. Tes dereito a divertirte sen ser importunado/a ou agredido/a.
- Tes dereito a pasalo ben e gozar en liberdade e con seguridade. A rúa, a noite e as festas tamén son das mulleres.
- Sen consentimento non é unha relación, é unha agresión.
- O consentimento non é ilimitado e existe o dereito de repensalo e a non seguir. NON É NON!
- Baixo a influencia do alcol e doutras substancias segue existindo o dereito para dicir non e se non hai un si é un non, sen que haxa outra interpretación.
- Insistir cando che rexeitan é acosar. Non te poñas pesado/a.
- Se necesitas axuda fronte a unha agresión chama ao 112 (número de emerxencias).
- Se presenzas unha agresión sexista non a permitas, chama e denuncia.
- Lembra que se sofres unha agresión sexual, sexa nas circunstancias que sexa, non te sintas culpable porque a responsabilidade é sempre de quen agride.
Pero a app móbil ofrece moitos máis contidos, ademais deste decálogo: consellos prácticos sobre como actuar en situacións de perigo, directorio de lugares onde se pode obter axuda, e teléfonos de información.
Outros dos elementos principais da campaña Agresión OFF, Eu digo non á violencia Sexual teñen como obxectivo a concienciación da sociedade enviando mensaxes contra a violencia sexual e información práctica sobre como actuar ante esta problemática: Desde a proxección de vídeos nos festivais musicais, ata a información presencial nestes eventos, pasando pola organización de obradoiros informativos para os voluntarios que colaboran.
Todas estas accións están enmarcadas no Pacto de Estado contra a Violencia de Xénero, pero hai moitas máis iniciativas dentro deste pacto. A Vicepresidencia da Xunta de Galicia, a través da Secretaría Xeral de Igualdade, asinou convenios de colaboración con outras consellerías, como por exemplo coa Consellería de Cultura para desenvolver campañas contra a violencia de xénero nas bibliotecas de Galicia, ou a través de Agresión OFF, cun importe de 775.000 euros.
Ademais, a campaña Agresión OFF, Eu digo non á violencia Sexual ven de ampliar este ano o seu alcance, nas festas de interese turístico galego, nacional e internacional da nosa comunidade, nos 12 festivais musicais que operan baixo a marca FestGalicia e nos 25 concellos da Rede de entidades locais contra a violencia de xénero.
Dentro tamén do Pacto de Estado contra a Violencia de Xénero, a Xunta e a Fundación Meniños firmaron un acordo de colaboración que destinará 50.000 euros a un programa de intervención con mulleres que sofren abuso ou violencia sexual na nosa comunidade. Tanto as vítimas como os seus familiares e achegados reciben recursos terapéuticos por parte de profesionais especializados para lograr a súa recuperación integral. Do mesmo xeito, os profesionais que participan neste proxecto tamén reciben asesoramento e formación profesional no ámbito da violencia sexual.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
