jueves, 30 de abril de 2026
Estas tres entidades traballan conxuntamente para garantir a seguridade de persoas e bens e para facilitar e axilizar os labores de xestión da biomasa. Por isto é fundamental que os concellos se adhiran a este acordo e que conten con cadanseu plan municipal de prevención e defensa: Se neste momento son 97 os concellos que xa contan co plan.
Foi fundamental ademais priorizar as parroquias atendendo ao seu risco de lumes e á súa historia de actividade incendiaria. A día de hoxe hai 70 parroquias identificadas nas que se vai realizar a xestión da biomasa no 100% das faixas secundarias.
Por último, destaca tamén a importancia das aldeas-modelo, nas que se porá en marcha actividade agrogandeira na franxa dos 50 metros pegada ás vivendas, e que funcionarán como unha devasa natural contra o lume, facendo que non sexa necesario rozar todos os anos.
Máis de 7.000 persoas, 30 medios aéreos e 360 motobombas
Entre os medios técnicos e persoais que compoñen este operativo, unindo os aportados por concellos, Xunta e Estado, destacan os seguintes:
- Máis de 7.000 persoas, 30 medios aéreos e 360 motobombas. Hai que ter en conta que o persoal fixo descontinuo aportado pola Xunta de Galicia está despregado durante cinco meses, e non catro como o ano pasado.
- 118 cámaras de vixilancia fixa que cobren en total 1.800.000 hectáreas de territorio (máis da metade da superficie da nosa comunidade). Se o ano pasado eran 88 as que formaban a rede de videovixilancia forestal, este ano incorpóranse outras 30 cámaras de última xeración.
- Un proxecto piloto de alertas temperás en puntos estratéxicos, para recoller observacións meteorolóxicas fiables. A actualización constante de datos como a dirección e a velocidade do vento, a temperatura, a humidade ou a pluviometría, son fundamentais para a loita contra os incendios e a prevención. Isto vaise conseguir mediante a aplicación de tecnoloxía IOT (Internet of Things) e técnicas de Big Data na Rede de Videovixilancia dos Espazos Forestais de Galicia. Os primeiros obterán e analizarán os datos atmosféricos relevantes, e os segundos permitirán obter patróns de comportamento e, polo tanto, mellorar a predición e coordinación na extinción dos lumes.
Ademais, tamén se puxo en funcionamento un teléfono gratuíto para denunciar anonimamente actividades delituosas, o 900 815 085, para fomentar a sensibilización social e fomentar a colaboración de toda a cidadanía, que tamén poderá comunicarse directamente coas Forzas e Corpos de Seguridade do Estado.
Cabe destacar ademais que cada ano vaise axustar o número de Parroquias de Alta Actividade Incendiaria (PAAI) segundo o número e virulencia dos lumes rexistrados. Se o ano pasado foron 77, este ano a cifra redúcese ata 71. As PAAI reciben un seguimento especial da actividade incendiaria e unha atención específica na prevención, na vixilancia e na extinción.
Cursos para os profesionais na extinción de incendios
O Plan 2019 de Prevención e Defensa contra os Incendios Forestais de Galicia (Pladiga) establece, entre outras cousas, procesos de formación para os 5.100 profesionais da prevención e extinción de lumes en Galicia. Un total de 272 cursos en 15 especialidades para que a maioría do persoal reciba dous cursos. Hai cursos xenéricos que van destinados a distintas categorías profesionais, pero a maior parte están estruturados segundo as categorías do persoal do Servizo de Prevención e Extinción de Incendios de Galicia (bombeiros forestais, condutores de motobomba, emisoristas, bombeiros forestais, xefes de brigada, directores técnicos de extinción, etc.).
Mellora de materiais e medios de extinción
Tamén se aposta pola profesionalización do Servizo de Prevención e Defensa contra os Incendios Forestais (Spdcif), investindo preto de 5 millóns de euros na renovación de 22 motobombas (o custe de cada unha é de máis de 217.000 euros).
Son polo tanto 77 as motobombas renovadas desde o ano 2013 nos 19 distritos forestais (case o 50% das que están en funcionamento actualmente). Cómpre destacar que as motobombas que deixan o servizo, no caso de estar en bo estado, son cedidas ás brigadas municipais para que continúen co seu uso. Deste xeito os concellos renovan tamén o seu parque móbil (7 vehículos foron cedidos este ano).
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
