sábado, 18 de abril de 2026
O conselleiro de Economía, Emprego e Industria, Francisco Conde, destacou na Coruña, durante a celebración do primeiro Venres Autónomo, a importante contribución das persoas autónomas á creación de emprego e riqueza en Galicia. Por iso, sinalou, se poñen en marcha este tipo de encontros para achegarnos á realidade que ten este sector, identificar máis medidas e sobre todo escoitar cales son as súas demandas.
Tal e como subliñou Francisco Conde, o obxectivo da Xunta é achegar un apoio integral ás persoas autónomas, impulsando os procesos de crecemento; a innovación, a internacionalización e a profesionalización; e facilitando aspectos como a conciliación.
En Galicia un de cada cinco traballadores é autónomo, e a Comunidade é a que conta cunha maior estabilidade neste tipo de emprego, tendo 6 de cada 10 negocios máis de cinco anos de antigüidade. A través da Estratexia Autónomo 2020, un acordo consensuado co sector a través da Mesa do Autonómo, achéganse medidas para facer máis doado o día a día dos traballadores, que incluén o fortalecemento do negocio, a contratación (sobre todo de mulleres e xente nova) e a atención ás novas demandas. Pódese obter información de todos estes apoios a través da Oficina do Autónomo (http://oficinadoautonomo.gal/).
O conselleiro, que sinalou que cada vez a cultura emprendedora en Galicia ten máis solidez, apuntou durante a súa intervención que, como Administración, cómpre tomar exemplo deste colectivo que é sinónimo de implicación, traballo constante e ilusión.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
