domingo, 8 de noviembre de 2026
A súa actividade concéntrase, ademais, nos meses centrais do ano para coincidir co período de maior afluencia de peregrinos e visitantes nestas localidades, que teñen así a oportunidade de reforzar os seus respectivos programas turísticos.
Espectáculos para público infantil
O público infantil será o gran protagonista desta recta final, con 41 funcións de teatro, novo circo, maxia e música especialmente pensadas para acudir en familia. É o caso da actuación da Cé Orquestra Pantasma, que terá lugar mañá ás 12,30 h. no campo da feira de Lestedo, en Boqueixón, e mais de 13 dos espectáculos que poderán verse durante a primeira semana de setembro na Fonsagrada (Circo Chosco, sábado 7), Carral (Culturactiva, sábado 7), Culleredo (Caxoto Contacontos, luns 2), Meaño (Sue Moreno, sábado 7), O Barco de Valdeorras (Viravolta Títeres, sábado 7), Ordes (A Xanela do Maxín, venres 6), Rodeiro (Martín Camiña Ilusionista, venres 6), San Cibrao das Viñas (Barafunda, luns 2; Ghazafelhos, martes 3; Duende Sico, mércores 4; A Xanela do Maxín, xoves 5, e Javier Muro, venres 6) e Vilalba (Mago Romarís, martes 3).
Nos próximos días, Cultura no Camiño estará presente tamén en Negreira, co espectáculo Errantes, que Troula Animación representará mañá pola noite na Carreira de San Mauro, así como en Oroso co concerto de A Banda da Loba (día 6) e en Cambre co de Aldaolado (día 7).
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
