sábado, 18 de abril de 2026
O vicepresidente da Xunta aclarou que o Goberno galego actuou neste caso con transparencia, rigor e seriedade sen tirar conclusións antes de ter e coñecer o informe. Nesta liña, destacou que é desta maneira como deben actuar as administracións, sobre todo cando se trata dun asunto tan importante como a entrega de 700 millóns de euros que corresponden a Galicia por parte do Goberno, unha contía que é imprescindible para manter o nivel de servizos públicos na comunidade.
Ao mesmo tempo, o conselleiro de Facenda destacou que Galicia afronta unha situación inédita, urxente e sen precedentes por mor dos impagos do Goberno. A Galicia se lle deben 700 millóns de euros e o único que pedimos é o que é noso, sinalou Valeriano Martínez, que insistiu en que se trata de recursos que teñen que ser transferidos si ou si, non hai outra alternativa.
Neste sentido, o titular de Facenda lembrou que a Xunta de Galicia xa puxo de manifesto este problema hai máis dun ano e que o Ministerio de Facenda comprometeuse a solucionalo. Tamén recordou que en xullo enviou unha carta á ministra urxíndolle unha solución a estes impagos, sen que o Goberno galego teña recibido resposta.
Ademais, incidiu na necesidade de que o Ministerio de Facenda convoque xa unha reunión urxente do Consello de Política Fiscal e Financeira, por ser este o órgano multilateral no que están presentes todas as comunidades autónomas. Valeriano Martínez advertiu de que este consello leva máis dun ano sen reunirse, e que Galicia xunto a outras CC.AA- pediu a pasada semana a súa convocatoria, sen que se teña recibido resposta.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
