jueves, 30 de abril de 2026
Galicia gañou un total de 12.391 habitantes grazas aos movementos migratorios do ano 2018, o que supón un incremento do 85% respecto ao ano anterior, segundo reflicte a explotación de movementos migratorios publicada hoxe polo Instituto Galego de Estatística (IGE).
No ano 2018, a chegada de inmigrantes a Galicia doutras comunidades autónomas ou do estranxeiro- ascendeu a 42.757 persoas. Esta cifra superou amplamente o número de emigracións, que se situou en 30.366 persoas. A diferencia entre estas entradas e saídas denomínase saldo migratorio, un indicador que en 2018 foi positivo en 12.391 persoas.
Os datos do IGE publicados hoxe indican que Galicia rexistrou en 2018 saldo migratorio positivo por terceiro ano consecutivo, cun incremento do 85% en comparación co saldo migratorio do ano 2017, que foi de 6.683 persoas. Ademais, é o maior saldo migratorio positivo que rexistra Galicia desde o ano 2008.
Este aumento é debido ao forte incremento da entrada de novos residentes en Galicia procedentes doutras comunidades autónomas ou do estranxeiro, que aumentou un 16% sobre as cifras de 2017, mentres que os cambios de residencia desde Galicia ao exterior mantivéronse estable, posto que o aumento respecto ao ano anterior foi do 0,4%.
En total, no ano 2018 pasaron a residir en Galicia 24.183 persoas do estranxeiro e 18.574 persoas doutras comunidades autónomas, mentres que mudaron a súa residencia 11.168 persoas ao estranxeiro e 19.198 persoas a outras comunidades autónomas.
Saldo positivo nas catro provincias
En canto á distribución provincial, as cifras do organismo autonómico indican que as catro provincias galegas rexistraron saldo migratorio positivo no ano 2018. A diferencia entre entradas e saídas foi positiva tanto nas provincias atlánticas -6.155 habitantes en A Coruña e 3.319 persoas en Pontevedra- como nas provincias orientais: 1.708 persoas en Ourense e 1.209 habitantes na provincia de Lugo
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
